ޢަދާލަތު ޕާޓީއަށް ނިސްބަތްވާ ޑރ.މުޙައްމަދު އިޔާޟަށް ކީރިތި ޤުރުއާނުގެ ތަފްސީރު ކުލާސް ނެގުމުގެ ފުރުސަތު ދޭން ހެޔޮނުވާނެކަމަށް މެދު ހެންވޭރު ދާއިރާގެ މެންބަރު ޢަލީ އާޒިމް ވިދާޅުވުމުން އިޔާޟް ވަރުގަދަ ރައްދެއް ދެއްވައިފިއެވެ.
އިސްލާމިކް މިނިސްޓްރީން އިންތިޒާމުކޮށްގެން ކުރިއަށްގެންދާ ކީރިތި ޤުރުއާނުގެ ތަފްސީރު ކުލާސްތަކެއް ކޮންމެ އާދިއްތަ ދުވަހުގެރޭ މަޣްރިބް ނަމާދަށްފަހު އަންނަނީ ކުރިއަށް ގެންދަމުންނެވެ. އެ ކްލާސްތައް ނަންގަވައިދެއްވަނީ އިޔާޟެވެ.
އެ ގޮތުން އާޒިމް މިއަދު ވިދާޅުވީ އިޔާޟަކީ ރާއްޖެގައި މީސްތަކުންގެ މެދުގައި ފިތުނަ ފަސާދަ އުފައްދާ ރައްޔިތުންގެ މެދުގައި އޮތް އެކުވެރިކަން ނަގާލަން މަސައްކަތްކުރާ މީހެއް ކަމަށާއި އެ ކަހަލަ ފުރުސަތު އޭނާއަށް ދޭން ހެޔޮނުވާނެ ކަމަށެވެ.
އާޒިމަށް ރައްދު ދެއްވަމުން އިޔާޟް ވިދާޅުވީ ފުރުސަތު ދޭން ހެޔޮވާވަރުގެ މީހުންނާއި އެ ނޫން މީހުން ކަނޑައަޅާނީ އާޒިމެއް ނޫން ކަމަށެވެ.
“ސައިޒް އޮޅިވަޑައިގެން ނޫޅުއްވާ.“ އިޔާޟް ވިދާޅުވިއެވެ.
މަސްދަރު: ދިޑެއިލީ
ކޮމެންޓްސް (0)