ބަންގްލަދޭޝްގައި ޑޮކްޓަރުކަން ކިޔަވަމުންދިޔަ ދިވެހި މޮޑެލް ރައުދާގެ އާޠިފްގެ މަރުގެ މައްސަލަ އަލުން ތަޙްޤީޤުކުރަން އެ ޤައުމުގެ ކޯޓަކުން އަންގައިފިއެވެ
އެ މައްސަލަ އަލުން ތަޙްޤީޤުކުރަން ބަންގްލަދޭޝްގެ ފުލުހުންނަށް އެންގީ އެ ޤައުމުގެ ރާޖްޝާހީ މެޓްރޯޕޮލިއަން މެޖިސްޓްރޭޓް ކޯޓުންކަމަށް އެ ޤައުމުގެ ނޫސްތަކުގައި ރިޕޯޓުކޮށްފައިވެއެވެ.
ރައުދާ ދަންޖެހިފައި ހުއްޓައި ފެނުނުކަމަށް ބުނަނީ 2017 ވަނަ އަހަރުގެ މާޗުމަހު ބަންގްލަދޭޝްގެ ރާޖްޝާހީ ސިޓީގައި ހުންނަ އިސްލާމީ ބޭންކް މެޑިކަލް ކޮލެޖުގެ ހޮސްޓެލްގައި އޭނާ ދިރިއުޅުނު ކޮޓަރިތެރޭގައެވެ.
ރައުދާގެ މަރު ތަޙްޤީޤުކޮށް ބަންގްލަދޭޝްގެ ކަމާބެހޭ ފަރާތްތަކުން ނެރުނު ރިޕޯޓުގައި އޭރު ބުނެފައިވަނީ ރައުދާ ދަންޖެހިގެން މަރުވެފައިވަނީ އަމިއްލައަކަށް ކަމަށެވެ. ސަބަބެއްކަމުގައި ފާހަގަކޮށްފައިވަނީ ރައުދާގެ ލޯބިވެރިޔާއާއި ދެމެދު ޖެހުނު މައްސަލަތަކެވެ.
ނަމަވެސް ރައުދާގެ ބައްޕަ ވަނީ އެ ވާހަކަތައް ދޮގުކުރައްވައިފައެވެ. އެ ގޮތުން އޭނާ އަންނަނީ އެ މައްސަލަ ތަޙްޤީޤުކުރުމަށް ތަކުރާރުކޮށް އެދެމުންނެވެ.
ކޮމެންޓްސް (0)