ބޮޑު އަގުގައި ޗައިނީސް ސުޕަ ލީގުގެ ޝަންހާއި ޝެންހުއާ އަށް ކުޅުނު ކާލޮސް ޓެވޭޒް އެ ކުލަބު ދޫކޮށް އޭނާގެ އަމިއްލަ ގައުމު އާޖެންޓީނާގެ ބޮކާ ޖޫނިއާސް އާއި ގުޅިއްޖެ އެވެ.

ޗައިނާ ލީގަށް 41 މިލިއަން ޑޮލަރަށް ޓެވޭޒް ގެންދިޔަ ނަމަވެސް އެ ލީގުގައި ޓެވޭޒް އަށް މާ އެދެވޭ ކުޅުމެއް ދެއްކޭ ގޮތެއް ނުވި އެވެ. ނަތީޖާއެއްގެ ގޮތުން ގިނަބައެއްގެ ފާޑުކިޔުންތައް އޭނާއަށް އަމާޒުވެގެން ދިޔަ އެވެ. އަދި އޭނާ ފުޓްބޯޅަ އިން ރިޓަޔާކުރުމަށްވެސް ގިނަ ބަޔަކު ގޮވާލާފައިވެ އެވެ.

އުމުރުން 33 އަހަރުގެ ޓެވޭޒް ޝަންހާއި ޝެންހުއާ އާއި ގުޅުނީ 2016 ވަނަ އަހަރު އެވެ. ފޯމު ކަޓާފައިވާ ޓެވޭޒް ވަނީ އެޓީމަށް 20 މެޗު ކުޅެދީ 4 ގޯލު ޖަހާފަ އެވެ.

ބޮކަ ޖޫނިއާސް އަށް ޓެވޭޒް ބަދަލުވިއިރު އޭނާގެ ޕްރޮފެޝަނަލް ކެރިއަރު ފެށީ ވެސް އެ ކްލަބުންނެވެ. އުމުރުން 16 އަހަރުގައި ބޮކާ ޖޫނިއާސް އާއި ގުޅުނު ޓެވޭޒް އެ ޓީމުގައި ދެއްކި މޮޅު ކުޅުމުގެ ސަބަބުން ދުނިޔޭގެ މަޝްހޫރު ބޮޑެތި ކުލަބުތަކުގެ ލޯ އޭނާއަށް އަމާޒުވެގެން ދިޔަ އެވެ.

ބޮކާ ޖޫނިއާސް އިން ވިދާލި ޓެވޭޒް ވަނީ ފަހުން ބްރެޒިލްގެ ކޮރިންތިއަންސްއަށް ވެސް ކުޅެފަ އެވެ. އެއަށްފަހު ޓެވޭޒް ވަނީ ހަތް އަހަރު އިނގިރޭސިވިލާތުގައި ހޭދަކޮށް، ވެސްޓްހާމް، މެންޗެސްޓަ ޔުނައިޓެޑް އަދި މެންޗެސްޓަ ސިޓީއަށް ވެސް ކުޅެފަ އެވެ. މީގެއިތުރުން އިޓަލީގެ ޔުވެންޓަސްއަށް ވެސް ޓެވޭޒް ކުޅެފައިވެ އެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

އާފިޔާގެ ވާހަކަތައް ބަދަލުވެ، އިބްތިހާލް މަރާލިކަމަށް ބުނީ މަޖުބޫރުވެގެން ކަމަށް ބުނެފި

މީގެ ތިން އަހަރު ކުރިން ވ. ރަކީދޫގައި އަނިޔާވެރިގޮތަކަށް މަރާލާފައި އޮއްވާ ފެނުނު އިބްތިހާލްގެ މަރުގެ ޒިންމާ މީގެ ...

ލިވަޕޫލްގެ ހަގީގީ ފެންވަރު ބަޔާނާ ދެކޮޅަށް ދައްކައިފި – ކޯޗް ކްލޮޕް

ލިވަޕޫލްގެ ހަގީގީ ފެންވަރު ބަޔާނާ ދެކޮޅަށް ދައްކައިފިކަމަށް ކްލޮޕް ބުނެފިއެވެ. ޗެމްޕިއަންސް ލީގުގެ ގަދަ 16 ގެ ދެވަނަބުރުގައި ...

މަޝްހޫރު މޮޑެލް މަރިއާނޯ ޑި ވާއިއޯ ރާއްޖޭގައި

އިޓަލީގެ މަޝްހޫރު މޮޑެލް އަދި ފެޝަން ބްލޮގަރ މަރިއާނޯ ޑި ވާއިއޯ  ރާއްޖެ އަތުވެއްޖެއެވެ. މަރިއާނޯ  ޗުއްޓީ ހޭދަކުރަނީ ...