މީދުން ކޮވިޑް 19 އަށް 6 މީހަކު ޕޮޒިޓިވްވެއްޖެވެ.
މައުލޫމާތު ލިބިފައިވާގޮތުގައި މިއަދު މީދުން 6 މީހަކު ކޮވިޑަށް ޕޮޒިޓިވްވެފައިވާއިރު އިއްޔެވެސް މީދުން އެކަކުވަނީ ކޮވިޑް 19 އަށް ޕޮޒިޓިވްވެފައެވެ.
މިއަދު ޕޮޒިޓިވްވި 6 މީހުންގެ ތެރޭގައި ސްކޫލް ކުއްޖަކުވެސް ހިމެނޭކަމަށާ އަދި މީގެ އިތުރަށް މިއަދު ޕޮޒިޓިވްވި މީހުންގެ ތެރެއިން ބައެއް މީހުން ގިނައަދަދެއްގެ ބަޔަކާ ކޮންޓެކްޓް ވެފައިވާތީ އެފަރާތްތަކުގެ މައުލޫމާތު ހޯދާ އެފަރާތްތަކުގެ ސާމްޕަލް ނެގުމުގެ މަސައްކަތް ސިއްހީމަރުކަޒުގެ ފަރާތުން ކުރަމުންދާކަމަށްވެސް މައުލޫމާތު ލިބިފައިވެއެވެ.
މިއަދު މީދުން 6 މީހަކު ކޮވިޑަށް ޕޮޒިޓިވްވިއިރު އިއްޔެވެސް އައްޑޫސިޓީގެ ގުޅިފައިވާ ރަށްތަކުން 21 މީހަކު ކޮވިޑް 19 އަށް ވަނީ ޕޮޒިޓިވްވެފައެވެ.
އައްޑޫ ހޮސްޕިޓަލުން އައްޑޫސިޓީން ކޮވިޑަށް ޕޮޒިޓިވްވާ މީހުންގެ މައުލޫމާތު ދުވަހުން ދުވަހަށް މީގެކުރީން އެހޮސްޕިޓަލުގެ ފޭސްބުކް ޕޭޖް މެދުވެރިކޮށް ހާމަކުރަމުންދިޔަ ނަމަވެސް މިމަހުގެ 19 ވަނަ ދުވަހުންފެށިގެން ހޮސްޕިޓަކުން އެމައުލޫމާތު ހާމަކުރަމުން ނުދާކަން ފާހަގަކޮށްލަންޖެހެއެވެ.
ކޮމެންޓްސް (0)