ޚިޔާލު ތަފާތަސް އިދިކޮޅު ހުރިހާ އެންމެން ވެސް ބޭނުމީ ވެރިކަން!

ދާދި ފަހުން އިދިކޮޅު ކޯލިޝަނުން ބޭއްވި ނޫސްކޮންފަރެންސެއްގައި މާފަންނު އުތުރު ދާއިރާގެ އެމްޑީޕީގެ މެމްބަރު އިމްތިޔާޒް ފަހުމީ ވިދާޅުވި ގޮތުގައި  އިދިކޮޅު ލީޑަރުންގެ ސިޔާސީ ފިކުރު ތަފާތުވިޔަސް ހުރިހާ ލީޑަރުންގެ އޮތީ އެއް އަމާޒެކެވެ.

އިމްތިޔާޒު ވިދާޅުވި ގޮތުގައި އެ އަމާޒަކީ ރައީސް އަބްދުﷲ ޔާމީން ބަލިކުރުމެވެ.

އިމްތިޔާޒު މިހެން ވިދާޅުވުމުން އަޅުގަނޑަށް ހިތާހިތާ ކޮށްލެވުނު ސުވާލަކީ މިއީއެވެ. އެހުރިހާ އިދިކޮޅު ލީޑަރުން ބޭނުންވަނީ ވެރިކަން ނޫން ހެއްޔެވެ؟ އެހެން އެއްވެސް އެއްޗެއް އެބުނާ ލީޑަރުން ބޭނުމެއް ނުވެއެވެ.

މިގޮތަށް ވިސްނަން ޖެހޭ ސަބަބުތަކެއް ވެސް އެބަހުއްޓެވެ. އިންތިހާބަށް 10 މަސް ދުވަހަށް ވީއިރު ވެސް އަދިވެސް އިދިކޮޅު ކެންޑިޑޭޓަކީ ގާސިމް ކަމެއް މައުމޫނު ކަމެއް ނުވަތަ ނަޝީދު ކަމެއް ސާފެއް ނުވެއެވެ. “ބޯކިބާ ފަޅާނެ ގޮތް” އަދި ނުނިންމެނީ ކަމަށް ވެސް ވެދާނެއެވެ. ނުވަތަ އެކަމުގައި އެއްބަސްވުމަކަށް ނާދެވެނީ އެވެ.

އަންނަ އަހަރުގެ ރިޔާސީ އިންތިޚާބުން ރައީސް އަބްދުﷲ ޔާމީން ބަލިކުރާ ވާހަކަ ދެއްކުމަކީ މައްސަލައެއް ނޫނެވެ. އެކަން ކުރަން ބޭނުން ނަމަ އިދިކޮޅު ފަރާތްތަކުން ވެސް ރައީސް ޔާމީނަށް ވުރެ ވަރުގަދަ ތަސައްވުރެއް ދިވެހި ޤައުމު ތަރައްޤީ ކުރެއްވުމުގައި އޮތްކަން ހާމަކޮށްދެއްވާށެވެ.

އެފަދަ ޕްލޭނެއް ތަސައްވުރެއް ނެތި، ހުރިހާ ލީޑަރުންގެ އަމާޒަކީ އެއް އަމާޒެއް ކަމުގައި ބުނީމައި ހަމަ ދޭހަވަނީ އެންމެ އެއްޗެކެވެ. ހަތަރު ލީޑަރުންނާއި އެމީހުންގެ ވަށައިގެން އެނބުރޭ ބައިގަނޑު ވެސް ބޭނުންވަނީ ހަމައެކަނި ވެރިކަން ކަމެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ޑިމޮކްރެޓްސްގެ ވެރިކަމެއްގައި ފުވައްމުލަކުގެ ފަތުރުވެރިކަން ކުރިއަރުވަން އިސްކަންދޭނަން: އިލްޔާސް

ޑިމޮކްރެޓްސްގެ ވެރިކަމެއްގައި ފުވައްމުލަކުގެ ފަތުރުވެރިކަން ކުރިއަރުވަން އިސްކަންދެއްވާނެކަމަށް ދަ ޑިމޮކްރެޓްސްގެ ރިޔާސީ ކެނޑިޑޭޓް އިލްޔާސް ލަބީބް ވިދާޅުވެއްޖެއެވެ. އިލްޔާސް ...

މިއީ ރައްޔިތުންނަށް ކޮށްދޭ، ރައްޔިތުންގެ ވެރިކަމެއް: ރައީސް

މިވެރިކަމަކީ ރައްޔިތުންނަށް ކޮށްދޭ ރައްޔިތުންގެ ވެރިކަމެއް ކަމަށް ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް ވިދާޅުވެއްޖެ އެވެ. އެމަނިކުފާނު މިހެން ...

ސަލާމަތީ ބާރުތަކުގެ މުސާރަތައް ބޮޑުކުރައްވަނީ

ސިފައިންނާއި ފުލުހުންގެ މުސާރަތަކަށް ހެޔޮ ބަދަލުތަކެއް ގެނައުމުގެ މަސައްކަތް ކުރައްވަމުންދާކަމުގައި ސިފައިންގެ އެންމެ މަތީވެރިޔާ، އަދި ރައީސުލްޖުމްހޫރިއްޔާ އިބްރާހީމް ...