އެމްޑީޕީ ސަރުކާރުގައި ތިނަދޫ ތަރައްޤީކުރާ މަންޒަރު ފެންނަ ފޮޓޯތަކެއް!

އެމްޑީޕީގެ ލީޑާޝިޕުން މިއަދު ބުނާ ގޮތުގައި ރައީސް ޔާމީން ގެންދަވަނީ، ތިނަދޫ “ފަޅުކުރައްވަމުން”ނެވެ. އަދި އެމްޑީޕީން ތިނަދޫ “ތަރައްޤީ” ކުރިކަމަށް ވެސް އެޕާޓީން ދައުވާ އެބަކުރެއެވެ.

އެމްޑީޕީގެ ލީޑާޝިޕުގެ ބައެއް މީހުން ދެއްކި މިފަދަ ވާހަކަތަކާއި ގުޅިގެން އެމްޑީޕީގެ 3 އަހަރުގެ ވެރިކަމުގައި ތިނަދޫއަށް ކޮށްދިނީ ކޮންކަމެއްތޯ ވަރަށް ހޯދައި ބަލައިފީމެވެ. ގަޑި ދެގަޑިއިރު ވަންދެން ރާއްޖޭގެ ނޫސް ވެބްސައިޓްތަކާއި ސޯޝަލް މީޑިޔާގައި ހުރި އެމްޑީޕީގެ ޕޭޖްތައް ބަލައިގެން ވެސް އެމްޑީޕީން ތިނަދޫއަށް ގެނެސްދިން ތަރައްގީއެއްގެ ވާހަކައެއް ނުފެނުނެވެ.

އެހިސާބުން ފޯނު ނަގައިގެން ތިނަދޫ ކައުންސިލަށް ގުޅައި މައުލޫމާތު އޮޅުން ފިލުވަން ނިންމީމެވެ. ހަމަ ގުޅާލިއިރަށް، ކައުންސިލް އިދާރާގެ އަންހެން މުވައްޒަފަކު ފޯނު ނަގައިފިއެވެ.

އަހަރެން ގުޅި ކޮން ބޭނުމަކު ކަމާއި، އޮޅުން ފިލުވަން ބޭނުންވާ މައުލޫމާތު ވެސް އެ މުވައްޒަފަށް އަރުވައިފީމެވެ. އަހަރެން ސުވާލުކުރީ، އެމްޑީޕީން ތިނަދޫ އަށް ގެނެސްދިނީ ކޮން ތަރައްގީއެއްތޯއެވެ. އަދި އެ މަޝްރޫއުތައް ކިޔާލަ ދިނުމަށް އެދުނީމެވެ.

އޮޅުން ފިލުވާގައި ގުޅާނެ ކަމަށް ބުނެ އެ މަންޖެ ފޯނު ބޭއްވިއެވެ. އޭގެ ފަހުން ގުޅައިގެން ފޯނެއް ނުނެގިއެވެ. ވީނުވީއެއް ބަލައިލި އިރު ގުޅާލެވުނީ އެމްޑީޕީ ކައުންސިލަރުން ތިބޭ ކައުންސިލަކަށެވެ.

ރަސްމީ އިދާރާއަކުން ބަހެއް ނުލިބުމުން ތިނަދޫގެ އެންމެ ނަންހިނގާ ވިޔަފާރިވެރިންގެ ތެރެއިން މީހަކަށް ގުޅައިފީމެވެ. އެމްޑީޕީން ތިނަދޫއަށް ގެނެސްދިން ތަރައްގީ ކޮބައިހޭ އެހީމާ، ޖަވާބު ދިނުމުގެ ބަދަލުގައި އޭނާ އެހީ ވައިބަރ ނަންބަރެވެ.

” އެމްޑީޕީން ކުރި ތަރައްގީ ދައްކަފާނަން. ވައިބަރ ނަންބަރު ބުނެބަލަ. މި ފޮނުވާލަނީ ފޮޓޯތައް. ވީހާވެސް ގިނަ ބަޔަކަށް މި ފޮޓޯތައް ދައްކާލާތި” ތިނަދޫން ވާހަކަ ދެއްކި ވިޔަފާރިވެރިޔަކު ބުންޏެވެ.

ވައިބަރ ނަންބަރު ބުނެފައި ފޯނު ބޭއްވިތާ ކުޑައިރުކޮޅެއްގެ ތެރޭގައި ފޮޓޯތައް ލިބެން ފަށައިފިއެވެ. އެ ފޮޓޯތަކާއި އެކު ލިޔެފައިވާ މެސެޖުގައި އޮތީ “މިއީ ނަޝީދު އާއި އެމްޑީޕީން ތިނަދޫ ތަރައްގީ ކުރާ މަންޒަރު” ކަމަށެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ނަޝީދު ވަކި ކުރުމުގެ މައްސަލަ އެޖެންޑާކޮށްފައިވަނިކޮށް އީވާ ސަލާމް ފޮނުވައިފި

ރައްޔިތުންގެ މަޖިލިހުގެ ރައީސް މުހައްމަދު ނަޝީދުގެ އިތުބާރު ނެތްކަމުގެ މައްސަލަ މިއަދަށް އެޖެންޑާ ކޮށްފައި ވަނިކޮށް މަޖިލިހުގެ ނައިބު ...

އެމްއެންޕީގެ ތަރުޖަމާނު އަަސްރާ މަގާމުން އިސްތިއުފާ ދެއްވައިފި

މޯލްޑިވްސް ނެޝަނަލް ޕާޓީ (އެމްއެންޕީ) ގެ ތަރުޖަމާން އަސްރާ އަހުމަދު އެ މަގާމުން އިސްތިއުފާ ދެއްވައިފި އެވެ. އަސްރާ ...

މަސައްކަތު މާހައުލުގައި މިއަދު ބިރު ދެއްކުމެއް ނެތްކަމީ ހަގީގަތް: އެމްޑީޕީ

މަސައްކަތު މާހައުލުގައި މިއަދު ބިރު ދެއްކުމެއް ނެތްކަމަށާއި މި ސަރުކާރުން މުވައްޒަފުންގެ ހައްގުތައް ނަގަހައްޓާނެކަމީ ޔަގީންކަމެއް ކަމަށް އެމްޑީޕީން ...