މީދޫ އަވަށު އޮފީހުން އިސްނަގައިގެން ކުރިއަށް ގެންދާ ވެށި ސާފްކުރުމުގެ ޕްރޮގްރާމް ފެއްޓުމުގެ ގޮތުން މީދޫ ބަހާއުއްދީންމަގު ސާފްކުރުން މިއަދު ހަވީރު ބޭއްވުމަށް ހަމަޖެހިފައިވާކަމަށް މީދޫ އަވަށު އޮފީހުން ހާމަކޮށްފިއެވެ.
މީދޫ އަވަށު އޮފީހުން ހާމަކޮށްފައިވާގޮތުގައި މިއަދު ހަވީރު 15:45 ފައި ފެށުމަށް ހަމަޖެހިފައިވާ މިމަސައްކަތް ކުރިއަށް ގެންދިއުމަށް ހަމަޖެހިފައިވަނީ ބަހާއުއްދީންމަގުގެ އެކިސަރަހައްދު ގްރޫޕް ތަކަކަށް ބަހައިގެންނެވެ.
ތިރީގައި ދަންނަވާފައިވަނީ ސާފްކުރާ ސަރަހައްދު ތަކާއި އެސަރަހައްދު ސާފްކުރުމަށް ހަމަޖެހިފައިވާ ފަރާތްތައް
ކްލަބް ލޮތަރި : މީދޫ ގުލްފާމު މަގާއި ފަގީހުމޫސާ މަގާއި ދެމެދު ވާ ސަރަހައްދު
ޑަބްލިއުޑީސީ: ފަގީހުމޫސާ މަގާއި ގުލޭނޫރަންގެއާއި ދެމެދުގައި ވާ ސަރަހައްދު
މިސްކިތްތަކުގެ މަސައްކަތުމީހުން : ބޯޅދަނޑިގެންފެށިގެން އަސްރުމާވާދީއާއި ދެމެދުގައިވާ ސަރަހައްދު
މުނިސިޕަލް މަސައްކަތުމީހުން: ސީޒަން އިންފެށިގެން ކަރަންކާވާދީއާއި ހަމައަށް
އަވަށު އޮފީސް: އޯކިޑް އިން ފެށިގެން ޝިފާއާއި ހަމައަށް
ކޯގަންނު ގްރޫޕް: ކޯގަންނު މަގުން ފެށިގެން އުތުރަށް
ނަލަފެހި: ތޯތާގެން ފަށައިގެން އަލިވާގޭ ގޯޅިއާއި ހަމައަށް
މީދޫ އެކުވެރިންގެ ޗޭނު: : ގްރީންވިލާއިން ފަށައިގެން ގުލްއަލާމާގެއާއި ހަމައަށް
މީދޫ ޓުއަރިޒަމް ކޯޕަރޭޝަން : ނޫރަންފެހިން ފަށައިގެން އަންބަރީވިލާއާއި ހަމައަށް
ސާފްކުރުމުގެ މިމަސައްކަތައް ކުރިއަށް ގެންދިއުމަށް ހަމަޖެހިފައިވަނީ އެގްރޫޕެއްގެ ސަރަހައްދު ސާފްކުރުމަށް ހާޒިރުވާއިރު ސާފްކުރުމަށް ބޭނުންވާ އިލޮށިފަތި ، ފިހި ، އަންގީ ފަދަ ތަކެތި އެފަރާތްތަކުން ހޯދައިގެން ސާފްކުރުމުގެ މަސައްކަތް ކުރިއަށް ގެންދާ ގޮތަށެވެ.
ކޮމެންޓްސް (0)