މިމަހު 1 ގައި ފަށައިގެން 16 ގެ ނިޔަލަށް ކުރިއަށްދާ އުރީދޫ ސާފް ޗެމްޕިއަންޝިޕްގައި ވާދަކުރާ ރާއްޖޭގެ ގައުމީ ޓީމާއެކު ތިބިކަން ފެނަކައިންވެސް ހާމަކޮށްފި އެވެ.
މިކަން ހާމަކޮށް ފެނަކައިން ބުނީ މިފަހަރުވެސް ފެނަކައިގެ އެންމެހާ މުވައްޒަފުން ގައުމީ ރޫހާއި، ގައުމީ ޖޯޝާއި، ގައުމީ ފޯރީގައި މިތިބީ ގައުމީ ޓީމާ އެކުގައި ކަމަށެވެ
މިފަހަރުގެ ސާފް ޗެމްޕިއަންޝިޕް ކުރިއަށްދަނީ ރާއްޖޭގެ ގަލޮޅު ދަނޑުގަ އެވެ. މިއީ ރާއްޖޭގައި މިމުބާރާތް ބާއްވާ ފުރަތަމަ ފަހަރެވެ. މުބާރާތުގެ 4 މެޗެއް މިހާތަނަށް ކުޅެވިފައިވާއިރު ފުރަތަމަ މެޗުގައި ބަންގްލަދޭޝްއާއި ސްރީލަންކާ ބައްދަލުކުރި މެޗު 1 – 1 ން ކާމިޔާބުކުރީ ބަންގްލަދޭޝްއިންނެވެ.
ދެވަނަ މެޗުގައި ރާއްޖެއާއި ނޭޕާލް ބައްދަލުކުރި މެޗު 1 – 0 ން ކާމިޔާބުކުރީ ނޭޕާލުންނެވެ. ތިންވަނަ މެޗުގައި އިންޑިއާ އާއި ބަންގްލަދޭޝް އެއްވަރުވިއިރު ހަތަރުވަނަ މެޗުގައި ނޭޕާލުން ވަނީ 3 – 2 ން ލަންކާގެ މައްޗަށް ކުރި ހޯދައިފި އެވެ.
މުބާރާތުގައި މިއަދު ހަވީރު ބައްދަލުކުރާނީ އިންޑިއާ އާއި ލަންކާ އެވެ. އަދި މި ރޭ ބައްދަލުކުރާނީ ރާއްޖެއާއި ބަންގްލަދޭޝް އެވެ
ކޮމެންޓްސް (0)