އައްޑޫސިޓީން އިތުރު 9 މީހުން ކޮވިޑް 19 އަށް ޕޮޒިޓިވްވެ އައްޑޫސިޓީގެ އެކްޓިވް ކޭހުގެ އަދަދު 224 އަށް އަރައިފި އެވެ.
ހުކުރުދުވަހުގެ އިރުއޮއްސި ހަޔަކުން ހޮނިހިރު ދުވަހުގެ އިރުއޮއްސި ހަޔަކަށް އައްޑޫސިޓީން ކޮވިޑަށް ޓެސްޓްކުރުމަށް ނެގުނު 252 ސާމްޕަލްގެ ތެރެއިން ޕޮޒިޓިވްވި 9 މީހުންގެ ތެރޭގައި ހިމެނެނީ ވަކިތަރުތީބެއްނެތި ރަށުތެރެއިން ނެގުނު ސާމްޕަލްތަކުގެ ތެރެއިން ޕޮޒިޓިވްވި 4 މީހަކާއި ކުރީން ޕޮޒިޓިވްވެފައިވާ ފަރާތްތަކާއި ޑައިރެކްޓް ކޮންޓެކްޓްވެގެން ޕޮޒިޓިވްވި 3 މީހެއްގެ އިތުރަށް ހޯމްކަރަންޓީނުގައި ހުރިމީހަކާއި ސަވައިލަންސް ސާމްޕަލްތަކުގެ ތެރެއިން ޕޮޒިޓިވްވި މީހެކެވެ.
އައްޑޫ ހޮސްޕިޓަލުން ހާމަކޮށްފައިވާގޮތުން އައްޑޫއިން އިއްޔެ ޕޮޒިޓިވްވި ނުވަމީހުންގެތެރޭގައި ހިމެނީ ގަމުން ޕޮޒިޓިވްވި މީހަކާއި މަރަދުން ޕޮޒިޓިވްވި މީހެއްގެ އިތުރަށް ފޭދުން ޕޮޒިޓިވްވި 7 މީހުންނެވެ.
އައްޑޫގެ ރަށްރަށުގެ ތެރެއިން އެންމެ ގިނަ އަދަދަކަށް ކޮވިޑްގެ އެކްޓިވް އަދިވެސް އުޅެނީ މަރަދޫގައެވެ. އެގޮތުން މަރަދޫގައި ކޮވިޑްގެ 102 ކޭސް އުޅޭއިރު، ހިތަދޫގައި 61 ކޭސް، ފޭދޫގައި 37 ކޭސް، މަރަދޫފޭދޫގައި 05 ކޭސް އަދި ހުޅުދޫގައި 6 ކޭސް އަދި މީދޫގައި 12 ކޭސް އުޅޭ ކަމަށް އައްޑޫ ހޮސްޕިޓަލުން ހާމަކޮށްފައިވެއެވެ.
ކޮމެންޓްސް (0)