މަރަދޫއެފްސީން ފަހަތުންއަރާ މަލްޓިޖީނިއަސް ބަލިކޮށްފި

މިނިވަންކަޕް 2017 ފުޓްސަލް މުބާރާތުގައި މިއަދު ހަވީރު ކުޅެވުނުމެޗް މަރަދޫ އެފްސީ ކާމިޔާބުކޮށްފިއެވެ.

މަރަދޫ އެފްސީ މިމެޗް ކާމިޔާބުކޮށްފައިވަނީ މަލްޓިޖީނިއަސް ދެލަނޑު ޖަހާމެޗްގެ ލީޑް ހޯދާފައިވަނިކޮށް ފަހަތުން އަރާ 3 ލަނޑު ޖަހައިގެންނެވެ.

ހުޅުދޫ ފުޓްސަލް ދަނޑުގައި މިއަދު ހަވީރު ކުޅެވުނު މިމެޗްގައި މަލްޓީޖީނިއަސްގެ ފުރަތަމަ ލަނޑު  ފުރަތަމަ ހާފްގައި ކާމިޔާބުކޮށްދީފައިވަނީ މުހައްމަދު އާލިފް ފަހުމީއެވެ. މަލްޓިޖީނިއަސްގެ ދެވަނަ ލަނޑު ކާމިޔާބުކޮށްދިނީ މުހައްމަދު އިންޝާލްއެވެ.

މަލްޓިޖީނިއަސް ދެލަނޑު ޖަހާފައިވަނިކޮށް ފުރަތަމަ ހާފް ނިމުމުގެ ކުރީން މަރަދޫއެފްސީގެ  ހުސެން ވިފާގުވަނީ ވަނީ ލަނޑެއްޖަހާ މެޗްގެ ނަތީޖާ 2-1 އަށް ބަދަލުކޮށްފައެވެ.

ދެޓީމްގެ ފަރާތުން ދާދިހަމަހަމަ ކުޅުމެއް ފެނިގެންދިޔަ މިމެޗްގެ ދެވަނަ ހާފްގެ ކުޅުމުގައި މަރަދޫއެފްސީގެ ދެވަނަލަނޑު ކާމިޔާބުކޮށްދީފައިވަނީ އަބްދުﷲ ވާޒިއުއެވެ.

ދެލަނޑު ދެލަނޑުން ދެޓީމް އެއްވަރުވެފައިވަނިކޮށް މިމެޗުން މަރަދޫ އެފްސީ މޮޅުވި ލަނޑު ކާމިޔާބުކޮށްދީފައިވަނީ ފަރުސާނު ރަސީދުއެވެ. ފަރުސާނު ރަޝީދު ކާމިޔާބުކޮށްދިން މިލަނޑަކީ އޭނަ ފޮނުވާލިބޯޅައެއް މަލްޓިޖީނިއަސްގެ ކުޅުންތެރިއެއްގެ ގައިގައިޖެހިފައި ބައިކޮށް ވަދެގެން ކާމިޔާބު ކުރެވުނު ލަނޑެކެވެ.

މަރަދޫއެފްސީއާއި ބައްދަލުކޮށް މިއަދުގެމެޗުން ދެރަވި މަލްޓިޖީނިއަސްއަކީ މިމުބާރާތުގެ ދެވަނަ މެޗަގައި ރޭ ފެނަކަޓީމާއި ބައްދަލުކޮށް 4 ލަނޑު 0 ލަނޑުން މޮޅުވެފައިވާ ޓީމެކެވެ.

މިއަދު ކުޅެވުނު މެޗްގެ މޮޅު ކުޅުންތެރިއަކަށް ހޮވިފައިވަނީ މަރަދޫ އެފްސީގެ ހުސެން ވިފާގެވެ.

މިމުބާރާތަކީ މެރެތަން އިސްނަގައިގެން އިންތިޒާމްކޮށްގެން ހުޅުދޫގައި ބާއްވަމުން އަންނަ މުބާރާތެކެވެ. މިމުބާރާތުގެ ޗެމްޕިއަން ޓީމަށް 30000 ރުފިޔާ  ރަނަރަޕް ޓީމަށް 20000 ރުފިޔާ ދިނުމަށް ވަނީ ހަމަޖެހިފައެވެ.

މި އަހަރު ބޭއްވޭ މިމުބާރާތުގެ މެއިން ސްޕޮންސަރަކީ ރަށްޔިތުންގެ މަޖިލިހުގެ ހުޅުދޫ ދާއިރާގެ މެމްބަރު މުހައްމަދު ޝާހިދެވެ. ކޯ ސްޕޮންސަރަކީ އައިލެންޑް އެކްސްޕްރެސް އެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ގައުމު ސްޓްރީޓް ކަޕް : މަންތަރަ އާއި ހަބޭސްގެ ކުރިމަތިލުމުން ހަބޭސް ކުރި ހޯދައިފި

ގައުމު އެފްސީން  އިންތިޒާމުކޮށްގެން މީދޫގައި  ބާއްވާ “ގައުމު ސްޓްރީޓް ކަޕް” ފުޓްބޯޅަ މުބާރާތުގައި ގްރޫޕް ޑީގައި ހިމެނޭ ޓީމްތަކުގެ ...

އިގިރޭސި ޕްރިމިއާލީގު: ނޮޓިންހަމް ފޮރެސްޓް ބަލިކޮށް، ޓޮޓެމްހަމްއިން ޕޮއިންޓް ޓޭބަލްގެ 3 ވަނައަށް

އިނގިރޭސި ޕްރިމިއާ ލީގުގައި ނޮޓިންހަމް ފޮރެސްޓް ބަލިކޮށް، ޓޮޓެމްހަމްއިން ޕޮއިންޓް ޓޭބަލްގެ 3 ވަނައަށް ޖެހިލައިފިއެވެ. މިފަހަރުގެ ޕްރިމިއާ ...

ގައުމު ސްޓްރީޓް ކަޕް : ގިނަ ބައެއްގެ ފޭވަރިޓް އެއްޓީމުގެ ގޮތުގައި ބެލެވުނު ހަބޭސް ބަލިކޮށް ހިތަދޫ ރިވެރިން ފައިނަލަށް

މިރޭ ކުޅެވުނު ގައުމު ސްޓްރީޓް ކަޕްގެ ސެމީ ފައިނަލް ދެވަނަ މެޗުގައި ފޭދޫގެ ހަބޭސް ބަލިކޮށް  ހިތަދޫ  ކްލަބް ...