ގިނަމެޗްތަައްކާމިޔާބުކުރީ ފޭދޫ ސަޑޭ އެކެޑެމީގެ ޓީމްތައް

ފޭދޫ ސަޑޭ ސްޕޯޓްސް އެކެޑެމީގެ ޓީމްތަކާއި މީދޫގައި ހިންގާ އީޓީއެފް އެކެޑެމީގެ ޓީމްތަކަކާއި ދެމެދު އެކުވެރިކަމުގެ ފުޓްބޯޅަ މެޗްތަކެއް ކުޅެވިއްޖެވެ.

އިއްޔެ ހަވީރު މީދޫ ފުޓްބޯޅަ ދަނޑުގައި ކުޅެވުނު މިމެޗްތަކުގައި ކުޅެވުނު 5 މެޗުގެ ތެރެއިން 4 މެޗުން ސަޑޭ އެކެޑެމީގެ ޓީމްތައް ކާމިޔާބުކޮށްފައިވާއިރު  މީދޫގައި ހިންގާ އީޓީއެފްގެ ޓީމްތަކަށް މޮޅުވެވިފައިވަނީ 1 މެޗުންނެވެ.

އިއްޔެ ކުޅެވުނު މިމެޗްތަކުގެ ތެރެއިން 9 އަހަރުން ދަށުގެ ޓީމްތައް ކުޅުނު 3 މެޗުވެސް ކާމިޔާބުކޮށްފައިވަނީ ސަޑޭ އެކެޑެމީގެ ޓީމްތަކެވެ. ސަޑޭ އެކެޑެމީގެ ޓީމްތައް މިމެޗްތައް ކާމިޔާބުކޮށްފައިވަނީ  11 ލަނޑު 0 ލަނޑުން 5 ލަނޑު 2 ލަނޑުން އަދި 3 ލަނޑު 2 ލަނޑުންނެވެ.

11 އަހަރުން ދަށުގެ ކުދީންގެ މެދުގައި ކުޅެވުނު ދެމެޗްގެ ތެރެއިން ސަޑޭ އެކެޑެމީގެ ޓީމް މޮޅުވި މެޗް އެޓީމް ކާމިޔާބުކޮށްފައިވަނީ 7 ލަނޑު 0 ލަނޑުންނެވެ. އީޓީއެފް އެކެޑެމީގެ ޓީމް މޮޅުވި މެޗުން އެޓީމު ކާމިޔާބުކޮށްފައިވަނީ 3 ލަނޑު 2 ލަނޑުންނެވެ.

އިއްޔެ ކުޅެވުނު މިމެޗްތައް ނިމުމުން މިމެޗްތަކުގައި ކުޅުނު ކުޅުންތެރީންނަށް އީޓީއެފް އެކެޑެމީގެ ފަރާތުން މެޑަލް ހަވާލްކޮށްފައިވެއެވެ.