ރާއްޖޭގައި ކޮވިޑް 19 ފެތުރުން ކޮންޓްރޯލް ކުރުމަށް އިތުރު އެއް ހަފްތާއަށް ސަރުކާރު ބަންދު ކުރަން ނިންމައިފިއެވެ.
ނޫސްވެރިންނާއި ބައްދަލުކުރައްވާ ވާހަކަފުޅު ދައްކަވަމުން ރައީސް އިބްރާހިމް މުހައްމަދު ސާލިހް ވިދާޅުވީ އިތުރު އެއް ހަފުތާ އަށް ސަރުކާރުގެ ހުރިހާ އޮފީސްތަކާއި، ސުކޫލްތަކާއި، ޔުނިވަރސިޓީތައްވެސް ބަންދު ކުރަން ސަރުކާރުން ނިންމާފައިވާ ކަމަށެވެ.
އަދި ސަރުކާރުން ކޮންމެ ފިޔަވަޅެއްވެސް އަޅަމުން މިދަނީ ސިއްހީ ކަމާބެހޭ ފަރާތްތަކުން ދެމުންދާ އިރުޝާދުގެ މައްޗަށް ބަލާ އެމަގުން ކަމަށް ރައީސް ވިދާޅުވިއެވެ.
އެންމެ އިސްބަސްވެސް ފަހުބަސްވެސް މިކަމުގައި ބުނަމުންދާނީ ސިއްހީ މާހިރުން ކަމަށާއި މިހާލަތުން ރާއްޖެ އަރައިގަންނަންދެން ހުރިހާ ރައްޔިތުންވެސް ގޭގައި ތިއްބަވައިގެން ސިއްހީ މާހިރުން ބުނާ ބަސް އެހުމަށް ރައީސް ވަނީ އިލްތިމާސްކޮށްފައެވެ.
ކޮމެންޓްސް (0)