ދިރާގުގެ ބިލްތަކަށް ފައިސާ ދެއްކުމުގެ ޚިދުމަތާއެކު ދިރާގު ޕާޓްނާ ފިހާރައެއް ހުޅުމީދޫގައި ހުޅުވައިފިއެވެ.
މިއީ ދިރާގުން އަމިއްލަ ފަރާތްތަކާއި ގުޅިގެން ދިރާގުގެ ޚިދުމަތްތައް ފޯރުކޮށްދިނުމަށްޓަކައި ހުޅުމީދޫގައި ހުޅުވި މިފަދަ 2 ވަނަ ފިހާރައެވެ.
ހުޅުދޫ ” ހޭޒްލީން ” ގައި ހުޅުވި މިފިހާރައިން ދިރާގުގެ ޕްރީޕެއިންޑް ޚިދުމަތްތަކުގެ އިތުރަށް ހުރިހާ ޕޯސްޕެއިޑް ބިލް ޕޭމެންޓްގެ ޚިދުމަތްތަކެއްވެސް ލިބިގެންދާނެއެވެ. އަދި މިފިހާރައިން ލޭންޑްލައިންގެ ބިލްތަކަށާ އިންޓަނެޓްގެ ބިލްތަކަށް އަދި ދިރާގު ޓީވީގެ ބިލްތަކަށް ފައިސާ ދެއްކޭނެ އިންތިޒާމް ހަމަޖެހިފައިވާއިރު ރީލޯޑްގެ ޚިދުމަތްވެސް މިފިހާރައިން ލިބިގެންދާނެއެވެ.
” ދިރާގުން ޚިދުމަތް ހޯދުމެކޭ މިފިހާއިން ޚިދުމަތް ހޯދުމެކޭ ހަމައެއްގޮތެއްވާނީ، އަދި މިފާރައިގައި ޚިދުމަތް ދޭން ތިބޭނީ ދިރާގުން ފުރިހަމައަށް ޓްރެއިންކޮށްފައިވާ މުވައްޒަފުން ” ހުޅުމީދޫގައި ހުޅުވުނު މިފިހާރަ ހިންގާ ފަރާތުން ވީއޯއެމްއަށް މައުލޫމާތު ދެމުން ބުނެފައިވެއެވެ.
ނޮވެމްބަރ 20 ވަނަ ދުވަހު ހުޅުވުނު ދިރާގުގެ މިފިހާރަ ހުޅުއްވައިދެއްވީ ފެނަކަ ހުޅުމީދޫ ބްރާންޗްގެ ޑިރެކްޓަރ ސިރާޖާއި އެ އޮފީހުގެ މެނޭޖަރ މުހައްމަދުދީދީއެވެ. މިފިހާރަ ހުޅުވުމަށްފަހު މިފިހާރައަށް އެންމެ ފުރަތަމަ ބިލް ޕޭމެންޓް ހެއްދެވީވެސް ފެނަކަ ހުޅުމީދޫ ބްރާންޗްގެ ޑިރެކްޓަރ ސިރާޖެވެ.
މިފިހާރަ ހުޅުވުމުގެ ރަސްމިއްޔާތުގައި ދިރާގުގެ ހެޑްއޮފީހުން ވަޑައިގެންނެވި 2 ބޭފުޅުންނާއި ދިރާގު ހިތަދޫ އޮފީހުން ވަޑައިގެންނެވި ބޭފުޅުންވެސް ބައިވެރިވެވަޑައިގެންފައިވެއެވެ.
ކޮމެންޓްސް (0)