މީދޫ ޔޫތު ސެންޓަރ ފިޔަވައި އައްޑުއަތޮޅު އެހެން ރަށްރަށުގައި ގާއިމްކޮށްފައިވާ ޔޫތު ސެންޓަރުތަކުގައި ވަޒީފާ އަދާކުރާނެ ސްޕޯޓްސް ސްޕަވައިޒަރުންނާއި ޖިމްއިންސްޓްރަކްޓަރުން ހޯދުމަށް އައްޑޫސިޓީ ކައުންސިލުން އިއުލާންކޮށްފިއެވެ.
މިގޮތުން ހިތަދޫ ޔޫތު ސެންޓަރ ، މަރަދޫފޭދޫ ޔޫތު ސެންޓަރ ، ގަންޔޫތު ސެންޓަރ އަދި ހުޅުދޫ ޔޫތު ސެންޓަރއަށް ސްޕޯޓްސް ސްޕަވައިޒަރުންނާއި ޖިމްއިންސްޓްރަކްޓަރުން ހޯދުމަށް ސިޓީކައުންސިލްވަނީ އިއުލާންކޮށްފައެވެ.
ސިޓީކައުންސިލް ކޮށްފައިވާ އިއުލާނުގައިވަނީ މިދެންނެވި މަޤާމަށް އެދި ހުށަހަޅަންޖެހޭނީ 05 ސެޕްޓެންބަރ 2019 ވާ ބުރާސްފަތި ދުވަހު 14:00 ގެ ކުރިން އެ އަވަށެއްގެ އަވަށު އޮފީހަށްކަމަށެވެ.
ސިޓީ ކައުންސިލްގެ އިއުލާންގައި އިތުރަށް ހާމަކޮށްފައިވަނީ މި ވަޒީފާއަށް އެދި ހުށަހަޅާ، ޝަރުތު ހަމަވާ ފަރާތްތަކުގެ ޢަދަދު 10 އަށްވުރެ ގިނަނަމަ، ތަޢުލީމީ ފެންވަރާއި ތަޖުރިބާއަށް ބަލައި، ވަޒީފާއަށް ކުރިމަތިލާފައިވާ ފަރާތްތަކުގެ ތެރެއިން އެންމެ މަތިން މާކްސް ލިބޭ 10 ފަރާތް ޝޯޓްލިސްޓް ކުރެވޭނެކަމަށެވެ.
ކޮމެންޓްސް (0)