ރައްޔިތުން ވަކި ފިކުރެއްގައި ރައްޔިތުންގެ މަޖިލީހަށް އިންތިހާބުކުރުމުން މެންބަރުން އަމިއްލައަށް ފިކުރު ބަދަލުކުރެވޭ ގޮތަށް ގާނޫނު އޮވެގެން ނުވާނެކަމަށް ކުރީގެ ރައީސް މުހައްމަދު ނަޝީދު ވިދާޅުވެއްޖެއެވެ.
ނަޝީދު ވިދާޅުވީ ގާނޫނަށް އިސްލާހު ގެނެސްގެން ނަމަވެސް ވަކި ފިކުރެއްގައި ރައްޔިތުންގެ މަޖިލީހަށް އިންތިހާބު ކުރުމުން ރައްޔިތުންނަށް ގޮންޖަހާފައި ފިކުރު ބަދަލުކުރުމަކީ އެއްވެސް ހަމައަކުން ގަބޫލުކުރެވޭނެ ކަމެއް ނޫން ކަމަށެވެ. އެހެންކަމުން މިއީ ގެންނަންޖެހޭ އިސްލާހެއް ކަމަށް އެމަނިކުފާނު ވިދާޅުވިއެވެ.
އެމްޑީޕީގެ ފިކުރުގައި ނުކުންނެވި މެންބަރުންނަކީ ޕާޓީގެ ގޮފިތަކުންނާއި ޕާޓީގެ ދާއިރާތަކުން ކައުންސިލަށް އިންތިހާބުވެފައި ތިބި މެންބަރުން ކަމަށެވެ. އަދި ޕްރައިމަރީގައި ވާދަކޮށްގެން މަޖިލީހަށް ކުރިމަތިލީ މީހުން ކަމަށް ވުމުން އެބޭފުޅުންނަށް ވަރަށް ރަނގަޅަށް މަޖިލިސް އެނގޭނެ ކަމަށް ނަޝީދު ވިދާޅުވިއެވެ.
އަދި އެމްޑީޕީގެ މެންބަރުންނަކީ ވަރަށް ބޮޑަށް ޕާޓީގެ ނިޒާމު ބަލައިގަނެގެން ތިއްބެވި މެންބަރުން ކަމަށާއި އެބޭފުޅުންނަށް ޕާޓީގައި ތިބުމާއި ޕާޓީގެ ފިކުރު ވަރަށް ރަނގަޅަށް ސާފުވެވަޑައިގަންނަވާނެ ކަމަށް ނަޝީދު ވިދާޅުވިއެވެ.
ކޮމެންޓްސް (0)