ފަތުރުވެރީންނަށް ޚާއްސަކޮށްގެން ހުޅުމީދޫގައި ވަކި ޚާއްސަ ބީޗެއް ހެދުމަށާބެހޭގޮތުން މަޝްވަރާ ބައްދަލުވުމެއް ބާއްވައިފި

Advertisement

އައްޑޫގައި ފަތުރުވެރިކަން ތަރައްޤީކޮށް ކުރިއެރުވުމަށް އެކުލަވާލާ ތަސައްވުރުގައި އާންމުން ބައިވެރިކޮށް ހިޔާލު ހޯދުމުގެ ގޮތުން އައްޑޫސިޓީ ކައުންސިލުން ހުޅުމީދޫ ރަށްޔިތުންނާއި  ސ. އަތޮޅުމަދަރުސާގައި ބައްދަލުވުމެއް ބާއްވައިފިއެވެ.

މިބައްދަލުވުން ތައާރަފްކޮށް ދެއްވަމުން ހުޅުދޫ ކައުންސިލަރު ޝުކުރީ ވިދާޅުވީ އައްޑޫއަކީ ބިމުގެ ގޮތުން ތަނަވަސް އަތޮޅަކަށް ވިޔަސް، ރާއްޖޭ އެހެން ކުދި ރަށްތަށް ފަދައިން ރީތި ދޮންވެލި ތުނޑިތަކެއް އެކުލެވިގެން އުފެދިފައިވާ ރީތި ބީޗްތަކެއް އައްޑުއަތޮޅުގެ އެއްވެސް ތަނެއްގައި އުފެދިފައިނެތުމުން  ފަތުރުވެރިންނަށް  ޚާއްސަކޮށްގެން ހުޅުދުމީދޫގައި  ވަކި ސަރަހައްދުތަކެއް ކަނޑައަޅައި ދޮންވެލި ތުނޑިއެއް ހިމެނޭގޮތައް ބީޗެއް ހެދުމާއިބެހޭގޮތުން ވާހަކަ ދެއްކުމަށް  ބޭއްވޭ ބައްދަލުވުމެއްކަމަށެވެ.

އަތޮޅުމަދަރުސާގައި ބޭއްވުނު މިބައްދަލުވުމުގައި އައްޑޫގެ ފަތުރުވެރިކަން ކުރިއަރުވައި ތަރައްޤީކުރުމުގެ ގޮތުން ކުރަންޖެހޭ ކަންކަމާއި ގުޅޭގޮތުން ގިނަ ހިޔާލުތަކެއް ބައްދަލުވުމުގައި ބައިވެރިވި ފަރާތްތަކުން ވަނީ ހުށަހަޅާފައެވެ.

މިގޮތުން މިބައްދަލުވުމުގައި ވާހަކަ ދެއްކެވި ހުޅުދޫގެ ބައެއް ފަރާތްތަކުން ބީޗް ހެދުމަށް ހުށަހަޅާފައިވަނީ ހުޅުދޫގe  މާފިށި ސަރަހައްދުގައި އަޅާފައިވާ ފްލެޓްތަކާ ދިމާއަށް މޫދު ސަރަހައްދުގައި ބީޗް ހެދުމަށެވެ.

މީދޫގެ ބައެއް ފަރާތްތަކުން ބީޗް ހެދުމަށް ހުށަހަޅާފައިވަނީ އިސްމެހެލާހެރަ ކައިރީގައި އޮންނަ ފަޅުރަށުގެ ގޮޑު ދޮށުގައި ބީޗެއް ހެދުމަށެވެ. އަދި މީދޫގެ ބައެއް ފަރާތްތަކުން ބީޗް ހެދުމަށް ހުށަހަޅާފައިވަނީ މެދު ބަނދަރުގެ ސަރަހައްދުން ވަކި ސަރަހައްދެއް ހިއްކައިގެން އެސަހަރައްދުގައި ބީޗް ހެދުމަށެވެ.

މިބައްދަލުވުމުގައި ބައެއް ފަރާތްތަކުން ގެސްޓް ހައުސް ހެދުމަށް ބިން ދޫނުކޮށްގެން އެކަމާއިބެހޭގޮތުން ވާހަކަ ދައްކާފައިވާއިރު ބައެއް ފަރާތްތަކުން ވާހަކަ ދައްކަވާފައިވަނީ މިފަދަ ބައްދަލުމެއް ބާއްވާއިރު ކަމާއިބެހޭގޮތުން ތަޖުރިބާލިބިފައިތިބި ތަޖުރިބާކާރުން މިބައްދަލުވުމުގައި ބައިވެރިކުރަންޖެހޭނެ ފެންނަކަމަށެވެ.

ބީޗެއް ހެދުމަށް ސަރަހައްދެއް ކަނޑައެޅުމުގައި ދެއަވަށުގެ މީހުންގެ ޚިޔާލް ތަފާތުވެ  އެއްގަޑިއިރަށް ކުރިއަށް ގެންދާގޮތައް ނުވައެއް ޖެހިއިރު ފެށި މިބައްދަލުވުން 10 ޖެހިއިރު ނިންމާލީ މިކަމާބެހޭގޮތުން އިތުރު ބައްދަލުވުމެއް ބޭއްވުމަށް ނިންމުމަށްފަހުގައެވެ.

މިބައްދަލުވުމުގައި އެމްޑީޕީ ޕްރައިމަރީގައި ހުޅުދޫ ދާއިރާން ވާދަ ކުރައްވާ ސަފާތުއާއި ޑރ. އިބްރާހިމްދީދީގެ އިތުރަށް އެމްޑީޕީ މީދޫދާއިރާގެ ޕްރައިމަރީގައި ވާދަކުރައްވާ އަލްއުސްތާޒު އިމާދު ސޯލިހުގެ އިތުރަށް މީދޫ ދާއިރާއަށް އަމިއްލަގޮތުން ވާދަކުރައްވާ އަބްދުއްރަހުމާނާއި ހުޅުމީދޫގައި ގެސްޓް ހައުސް ހިންގަމުންދާ ބައެއް ފަރާތްތަކުންނާއި އާއްމުންގެ ގިނަ އަދަދެއްގެ ބަޔަކު ބައިވެރިވެފައިވެއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ވައްކަން ކުރީ ކާކު ކަން އެނގޭ، އިބޫ ވައްކަން ކުރިކަމަށް ބުނުމުން ރައްޔިތުން ގަބޫލު ނުކުރާނެ: ރޮޒެއިނާ

ރައީސް އިބްރާހިމް މުހައްމަދު ސާލިހު ވައްކަން ކުރާކަމަށް ބުނެ އިދިކޮޅު ފަރާތްތަކުން ދައްކަމުންދާ ވާހަކަތައް ދިވެހި ރައްޔިތުން ގަބޫލުނުކުރާނެކަމަށް ...

ކަސްޓަމްސްގެ މުވައްޒަފުންނަށް ފްލެޓް ހަމަޖައްސާނަން: ރައީސް

ސަރުކާރުން މިހާރު އިމާރާތްކުރަމުންދާ ފްލެޓްތަކުން ކަސްޓަމްސްގެ މުވައްޒަފުންނަށް ފެލެޓް ހަމަޖައްސަވައި ދެއްވާނެ ކަމަށް ރައީސް އިބްރާހިމް މުހައްމަދު ސާލިހު ...

އައްޑޫ ސިޓީން އިތުރު 20 މީހުން ކޮވިޑް-19 އަށް ޕޮޒިޓިވް ވެއްޖެ

އައްޑޫ ސިޓީން އިތުރު 20 މީހުން ކޮވިޑް-19 އަށް ޕޮޒިޓިވް ވެއްޖެއެވެ. އައްޑޫ ހޮސްޕިޓަލުން ހާމަކޮށްފައިވާގޮތުން އައްޑޫސިޓީން އިއްޔެ ...