“މަގެ ދީނާ، މަގެ ޤައުމާ ނުކުޅެއްޗޭ” މިޝިއާރުގެ ދަށުން އައްޑޫސިޓީގައި ގައުމީ ހަރަކާތެއް ބާއްވަނީ

“މަގެ ދީނާ، މަގެ ޤައުމާ ނުކުޅެއްޗޭ” މިޝިއާރުގެ ދަށުން އައްޑޫސިޓީގައި ބާއްވާ ވަރަށް ޚާއްސަ ގައުމީ ހަކާތެއް މިއަދު ހަވީރު 4:00 ގައި ބޭއްވުމަށްޓަކައި މުޅި އައްޑޫސިޓީން މިހާރުދަނީ ތައްޔާރުވަމުންނެވެ.

މިއަދު ހަވީރު 4:00 ގައި ހިތަދޫ ސްޓޭޖް ސަރަހައްދުގައި ބޭއްވުމަށް ހަމަޖެހިފައިވާ މިގައުމީ ހަރަކާތުގައި މީދޫއާއި ހުޅުދުން ބައިވެރިވުމަށް ބޭނުންފުޅުވާ ފަރާތްތަކަށް ހިތަދުއަށް ދިއުމުގެ ފުރުސަތުވަނީ ހުޅުވާލެވިފައެވެ. މިގޮތުން މީދޫ ބޭފޫޅުން މިއަދު މެންދުރު 2:00 ން މީދޫ ބަނދަރުން ފުރާގޮތައް ހަމަޖެހިފައިވާއިރު ހުޅުދޫގެ ބޭފުޅުން ފުރުމަށް ހަމަޖެހިފައިވަނީވެސް މިއަދު މެންދުރު 2:00 ގައި ހުޅުދޫ ބަނދަރުންނެވެ.

މިހަރަކާތް ބޭއްވުމަށާ މިހަރަކާތުގައި ބައިވެރިވުމަށް ރަށްޔިތުންގެ މަޖިލިހުގެ މެމްބަރުންނާއި ސަރުކާރަށް ތާއީދުކުރާ ފަރާތްތަކުން މިހާރު ވަނީ އައްޑޫއަށް ވަޑައިގެންފައެވެ.

އަދި މީގެ އިތުރަށް އައްޑޫ ސިޓީގެ ގިނަ އަދަދެއްގެ ރައްޔިތުން ފޯރިއާއެކު މިހަރަކާތަށް ތައްޔާރުވަމުންދާއިރު  މިހަރަކާތުގައި ބޭނުންކުރުމަށް ހަމަޖެހިފައިވަނީ ރަތާ، ފެއްސާ، ހުދުގެ ޓީޝާޓެވެ. އަދި މިތިން ކުލައިގެ ފުއްޕާ ހަންތަކާއި އެކި ލިޔުންތައް ލިޔެފައިވާ ބެނަރތައްވެސް މިހަރަކާތުގައި ބޭނުންކުރުމަށް މިހާރުވަނީ ތައްޔާރު ކުރެވިފައެވެ.