ކުރީގެ ރައީސް މުޙައްމަދު ނަޝީދުގެ ދަ ޑިމޮކްރެޓްސް އިން އެމްޑީޕީ އާއި ކޯލިޝަން ހެދުމަށް އޮތް ހުށަހެޅުމަކީ އިންތިހާބުގެ ދެވަނަ ބުރުގެ ކުރިން ނިޒާމީ ވޯޓެއް ނެގުން ކަމަށް އެޕާޓީން ބުނެފި އެވެ.
ރިޔާސީ އިންތިހާބުގެ ދެ ވަނަ ބުރުގައި ކަންކުރާނެ ގޮތެއް ނިންމުމަށް ޑިމޮކްރެޓްސްއިން ވަނީ ހާއްސަ ކޮމިޓީއެއް އެކުލަވާލާފައެވެ. އެގޮތުން އެމްޑީޕީއާއި ޕީޕީއެމާއެކު ވެސް ކޯލިޝަން މަޝްވަރާތައް އެޕާޓީން ވަނީ ފަށާފައެވެ.
މި މަހު 25 ގަ ރައްޔިތުންނަށް ނިޒާމާ ގުޅޭ ގޮތުން ބަސްބުނަން ފުރުސަތު ދިނުން. އަދި އޭގެ ފަހުން 30 ވަނަ ދުވަހު 2 ވަނަ ބުރުގެ ވޯޓު ލުން. ނިޒާމަށް ބަދަލު ގެންނަން ފެނިއްޖެ ނަމަ 30 ވަނަ ދުވަހު ހޮވޭ ރައީސް އަކީ ބަރުލަމާނީ ނިޒާމެއްގެ ރައީސުލް ޖުމްހޫރިއްޔާ.
އަމްރު ވިދާޅުވިއެވެ.
ރިޔާސީ އިންތިހާބުގެ ފުރަތަމަ ބުރުގައި ތިންވައަށް ދިޔަ ޑިމޮކްރެޓްސް ގެ ރިޔާސީ ކެންޑިޑޭޓް، ހުޅުދޫ ދާއިރާގެ މެންބަރު އިލްޔާސް ލަބީބް ވިދާޅުވީ ދެވަނަ ބުރުގެ ކުރިން ވެރިކަމުގެ ނިޒާމާ ގުޅޭ ގޮތުން ހިޔާލު ހޯދުމުގެ އާންމު ވޯޓެއް ރައްޔިތުންނަށް ދޭންޖެހޭ ކަމަށް ދެކިވަޑައިގަންނަވާ ކަމަށެވެ.
ނިޒާމީ ވޯޓާއި ގުޅޭ ގޮތުން އިލްޔާސްގެ ރަނިންމޭޓު ހުސެއިން އަމްރު ވިދާޅުވީ އެޕާޓީން މަޝްވަރާ ކުރަމުން އަންނަނީ ހަމައެކަނި ނިޒާމީ ވޯޓާއި ގުޅޭގޮތުން ކަމަށެވެ.
ރައްޔިތުންގެ ވެރިކަމެއް، ރައްޔިތުންގެ ފަރާތުން، ރައްޔިތުންނަށްޓަކާ ކުރެވޭނީ އެކަން އޮގޮތަށް ކުރެވޭނެ ނިޒާމެއް އޮވެގެން. އެގޮތަކީ ރައްޔިތުންނާ ގާތުން ހިންގޭ ވެރިކަމެއް. އެ ނިޒާމަކީ މަޖިލިހުގެ ތެރެއިން ހިންގޭ ސަރުކާރެއް. ރައްޔިތުން އެދޭ ގޮތަށް ވެރިކަން ކުރެވޭނީ ވެރިކަން ކުރާ ނިޒާމަށް ބަދަލު ގެނެސްގެން ކަން މިދިޔަ 3 ދައުރުން ސާފުވޭ. ރައްޔިތުންނާ ހަމަޔަށް ގޮތް ނިންމަން ގެންދެވޭނެ ހަމައެކަނި ވަގުތަކީ އިންތިޚާބެއްގެ ފުރަތަމަ ބުރާ 2 ވަނަ ބުރާ ދޭތެރޭ. އަޅުގަޑުމެންގެ ހުށައެޅުމަކީ މީ.
އަމްރު ވިދާޅުވިއެވެ.
އަމްރު ވިދާޅުވީ ނިޒާމީ ވޯޓަށް އަހަން އެންމެ ރަނގަޅު ދުވަހަކީ މިމަހުގެ 25 ވަނަ ދުވަސް ކަމަށެވެ. އަދި ތާވަލް ކުރެވިފައިވާ ރިޔާސީ އިންތިހާބުގެ ދެވަނަ ބުރުގެ ވޯޓުލުން މި މަހުގެ 30 ވަނަ ދުވަހު ބާއްވާއިރު، ރައްޔިތުން ބަރުލަމާނީއަށް ތާއިދުކޮށްފި ނަމަ އިންތިހާބުވާ ރައީސަކީ ބަރުލަމާނީ ފުރަތަމަ ރައީސް ކަމަށް އަމްރު ވަނީ ވިދާޅުވެފައެވެ.
ޑިމޮކްރަޓްސްއިން ވަނީ ނިޒާމާއި ބެހޭ ގަރާރެއް މަޖްލިސްއަށް ހުށަހަޅާފައެވެ
advertisement
ކޮމެންޓްސް (0)