ޒުވާނުން ބާރުވެރިކުރަން ގިނަ ކަންތައްތަކާއެކު، ދިވެހި ރައްޔިތުންގެ ޑިމޮކްރެޓިކް ޕާޓީ (އެމްޑީޕީ) ގެ ސިޔާސަތު ލޯންޗުކޮށްފިއެވެ.
މިސިޔާސަތު ލޯންޗުކޮށްދެއްވީ “އާ ޒުވާނުންގެ ޖީލު” ގެ ނަމުގައި ނ. ވެލިދޫގައި ބޭއްވި ރައީސް ސާލިހުގެ ކެމްޕޭން ޖަލްސާގައެވެ.
މި ސިޔާސަތުގައި ޒުވާނުންނާ ގުޅޭ ޖުމްލަ އަށް ކަމަކަށް އިސްކަން ދީފައިވާިއރު، އެމްޕަވާޑް ޒުވާނުން، ޒުވާނުންގެ ބޯހިޔާވަހިކަން، ޒުވާނުންނަށް ހެލްތު އެންޑް ވެލް ބީން ވަނީ ހިމަނާފައެވެ. އަދި ޒުވާނުންނާއި ޓެކްނޮލޮޖީ، ސްކިލްޑް ޒުވާނުން، ޒުވާން އެންޓަޕްރޮނާ، ޒުވާނުންގެ ބޭނުންތެރި ހުސްވަގުތު އަދި އެއްވެސް ޒުވާނަކު ބާކީ ނުކުރުން ވެސް ހިމަނާފައި ވެއެވެ.
ޒުވާނުންގެ ބޯހިޔާވަހިކަމުގެ ބައިގައި ބުނެފައިވަނީ ބޮޑެތި އެޑްވާންސްތަކާއި ބޮޑެތި ކުލި ދެއްކުމުގެ ބުރަ ކުޑަކުރުމަށްޓަކައި އެފޯޑަބަލް ކޯ-ލިވިންގް ސްޕޭސް އަދި ސްޓޫޑިއޯ ސްޕޭސަސް ހަދާ، ފަސޭހައިން ކުއްޔަށް ހިފޭނެ އަދި އަމިއްލަކުރެވޭނެ ގޮތްތައް ޒުވާނުންނަށް މަގު ފަހިކޮށްދޭނެ ކަމަށް ވެސް އެ ސިޔާސަތުގައި ބުނެފައިވެއެވެ.
މީގެ އިތުރުން ފަސްޓް ޓައިމް ހޯމް އޯނަރުންނަށް ހާއްސަކޮށްގެން ރެޒިޑެންޝަލް ބޭނުމަށް ނެގޭ ލޯނުގެ އިންޓަރަސްޓް ހަ ޕަސަންޓަށްވުރެ ގިނަ ނުވާނެހެން، 10 ޕަސަންޓް އިކުއިޓީގައި ދީ، ސޯޝިއޮ-އިކޮނޮމިކަލީ ވަލްނަރަބަލް ފަރާތްތަކަށް ހާއްސަކޮށްގެން ކައުންސިލް ހައުސިންގ ތައާރަފުކުރުމާއި އިލެކްޓްރޯނިކް ވަސީލަތްތައް ހޯދުމަށް ހާއްސަ ލެންޑިންގް ސްކީމެއް ޒުވާނުންނަށް ތައާރަފްކުރާނެ ކަމަށް ވެސް ބުނެފައި ވެއެވެ.
އެ ސިޔާސަތުގައި ޔޫތު ޓެކް ހަބްސް ގާއިމުކޮށް ޓެކްނޮލޮޖީގެ ތެރެއިން ކޯޑިންގް، ތްރީ-ޑީ މޮޑެލިންގް، ޕްރޮގްރާމިންގް އަދި އާޓިފިޝަލް އިންޓެލިޖެންސް ފަދަ ޒަމާނީ ޓެކްނޮލޮޖީއިން ޒުވާނުން ކުރިއަށްދާނެ މަގުފަހިކުރާނެ ކަމަށާއި ރާއްޖޭގެ އައިސީޓީ ދާއިރާގެ ހުނަރުވެރިންނާއި އެހެނިހެން އުފެއްދުންތެރިން ރާއްޖޭގައި ތިބެގެން އެފަރާތްތަކުގެ އުފެއްދުންތެރިކަން ބޭރުގެ ބާޒާރަށް ނެރެ، މާކެޓްކޮށް، ކުރިއެރުވޭނެ މާހައުލެއް ގާއިމުކުރާނެ ކަމަށް ވެސް ވަނީ ބުނެފައެވެ.
އެމްޑީޕީގެ ސިޔާސަތުގައި ރާއްޖޭގެ އިންސްޓަންޓް ޕޭމެންޓް ގޭޓްވޭ އާއި ބޭރުގެ ޕޭމަންޓް ސިސްޓަމްތަކާއެކު ޑިޖިޓަލް ވިޔަފާރި ކުރެވޭނެ މަގުފަހިކުރާނެ ކަމަށާއި ޑިޖިޓަލް ދާއިރާއަކީ އިގްތިސާދީ އުފެއްދުންތެރިކަމުގެ ތަނބަކަށް ހަދާނެ ކަމަށް ވެސް ބުނެފައި ވެއެވެ.
advertisement
ކޮމެންޓްސް (0)