ހުޅުދޫ ސްޓްރީޓް ސޮކަރ ޗެލެންޖް ފުޓްބޯޅަ މުބާރާތުގައި ރޭ ކުޅެވުނު ފުރަތަމެޗް ނިމުނީ ދެޓީމް އެއްވަރުވެގެންނެވެ.
ރޭ ކުޅެވުނު ފުރަތަމަމެޗްގައި ބައްދަލުކުރީ ގްރޫޕް އޭގައި ހިމެނޭ މަރަދޫ ޖަންޓާ ގަރާޖާއި ހިތަދޫ އެސްކޭޕީ ޔުނައިޓެޑެވެ.
މިމެޗް ނިމިގެން ގޮސްފައިވަނީ އެއްވެސް ކޮޅަކަށް ލަނޑެއް ނުޖެހި ދެޓީމް އެއްވަރުވެގެންނެވެ.
މިމެޗްގެ މޮޅު ކުޅުންތެރިއަކަށް ހޮވިފައިވަނީ ޖަންޓާ ގަރާޖުގެ ހަސަން ލައުހުއެވެ.
ހުޅުދޫ ސްޓްރީޓް ސޮކަރ ޗެލެންޖް- މަރަދޫ ޖަންޓާ ގަރާޖާއި ހިތަދޫ އެސްކޭޕީ ޔުނައިޓެޑް ބައްދަލުކުރި މެޗްގެ މޮޅުކުޅުންތެރިޔާ – ހަސަން ލައުހު
މިމުބާރާތުގައި ރޭ ކުޅެވުނު ދެވަނަ މެޗް ކާމިޔާބުކުރީ ހުޅުދޫ އެފްސީއެވެ.
ހުޅުދޫ އެފްސީ މިމެޗް ކާމިޔާބުކުރީ ފޭދޫ ވައިކިންގްސް އާއި ބައްދަކުކޮށް 1 ލަނޑު 0 ލަނޑުންނެވެ. މިމެޗްގައި ހުޅުދޫ އެފްސީން ކާމިޔާބުކުރި ލަނޑު ކާމިޔާބުކޮށްދިނީ އަބްދުﷲ އިމްރާންއެވެ.
މިމެޗްގެ މޮޅު ކުޅުންތެރިއަކަށް ހޮވިފައިވަނީ ހުޅުދޫ އެފްސީގެ ހުސެން އަލީއެވެ.
ހުޅުދޫ ސްޓްރީޓް ސޮކަރ ޗެލެންޖް – ހުޅުދޫ އެފްސީއާއި ފޭދޫ ވައިކިންގުސް ބައްދަލުކުރި މެޗްގެ މޮޅުކުޅުންތެރިޔާ – ހުސެން އަލީ
މިމުބާރާތުގައި ރޭ ކުޅެވުނު ތިންވަނަ މެޗް ކާމިޔާބުކުރީ ހިތަދޫ މައިލޯސިޓީއެވެ.
މައިލޯސިޓީ މިމެޗް ކާމިޔާބުކުރީ މީދޫ ގައުމިއަންސް އާއި ބައްދަކުކޮށް 1 ލަނޑު 0 ލަނޑުންނެވެ. މިމެޗްގައި މައިލޯސިޓީއަށް ކާމިޔާބުކުރެވުނު ގޯލަކީ ގައުމިއަންސްގެ އިންޓޭއަތުން ބައިކޮޅަށް ވަން ލަނޑެކެވެ.
މިމެޗްގެ މޮޅު ކުޅުންތެރިއަކަށް ހޮވިފައިވަނީ މައިލޯ ސިޓީގެ އީމާން ނަޒީރުއެވެ.
ހުޅުދޫ ސްޓްރީޓް ސޮކަރ ޗެލެންޖް – މީދޫ ގައުމިއަންސްއާއި ހިތަދޫ މައިލޯސިޓީ ބައްދަލުކުރި މެޗްގެ މޮޅުކުޅުންތެރިޔާ – އީމާން ނަޒީރު
މިމުބާރާތުގައި މިރޭ ކުޅުމަށް ހަމަޖެހިފައިވަނީ ދެމެޗެވެ.
މިރޭގެ ފުރަތަމަމެޗްގައި ބައްދަލުކުރާނީ ގްރޫޕް ބީގައި ހިމެނޭ މީދޫ ކްލަބް ލޮތާރިއާއި ހިތަދޫ އެފްސީ ޒެފިއާއެވެ. ދެވަނަ މެޗްގައި ބައްދަލުކުރާނީ މީދޫ ގައުމިއަންސް އާއި މަރަދޫ ޖަންޓާ ގަރާޖެވެ.
މައުލޫމާތު ލިބިފައިވާގޮތުގައި މިމުބާރާތަކީ ހުޅުދޫ ޒުވާނުން އިންތިޒާމްކޮށް ހުވަގު ޖަމްއިއްޔާ މެދުވެރިކޮށް ބާއްވަމުންދާ މުބާރާތެކެވެ.
ޚަބަރާއި ގުޅޭ ފޮޓޯ: ފޭސްބުކްގެ ” ހުޅުދޫ ސްޓްރީޓް ސޮކަރ ޗެލެންޖް ” ޕޭޖުން އިން ނަގާފައި
ކޮމެންޓްސް (0)