ރާއްޖޭގައި ކޮވިޑް-19 ގެ ހާލަތު އިތުރަށް ގޯސްވަމުންދާތީ، ސަރުކާރުން އަޅަން ނިންމާފައިވާ އިތުރު ފިޔަވަޅުތައް އިއުލާންކުރަން ހެލްތް އިމަޖެންސީ އޮޕަރޭޝަން ސެންޓަރު (އެޗްއީއޯސީ)ގެ ޕްރެސް ކޮންފަރެންސެއް މިއަދު ހަވީރު ބޭއްވުމަށް ނިންމައިފި އެވެ.
އާންމުކޮށް އެޗްއީއޯސީގެ ޕްރެސް ކޮންފަރެންސްތައް ބާއްވަމުން އަންނަނީ ރޭގަނޑު އެވެ. އެހެން ނަމަވެސް މިއަދު ހަވީރު 04:00 ގައި ޕްރެސް ކޮންފަރެންސެއް ބޭއްވުމަށް ނިންމާފައިވާކަމަށް އެޗްއީއޯސީން މައުލޫމާތު ދިފައިވެއެވެ. ޕްރެސް ކޮންފަރެންސްގައި ސަރުކާރުން އަލަށް އަޅާ ފިޔަވަޅުތައް އިއުލާންކޮށް ދެއްވާނީ އެޗްއީއޯސީގެ ތަރުޖަމާނު ޑރ. ފާތުމަތު ނަޒްލާ ރަފީގެވެ.
ސަރުކާރުން ވަނީ ކޮވިޑް ފެތުރުން ހުއްޓުވުމަށް އަޅާ ފިޔަވަޅެއްގެ ގޮތުން ތިން ދުވަހަށް ސަރުކާރު އޮފީސްތައް ބަންދުކުރުމަށް ނިންމާފައެވެ. އަދި މިމަހުގެ ނުވަ އަކުން 19 އަށް މާލޭގެ ސްކޫލްތައް ވެސް ބަންދުކުރުމަށް އެޑިއުކޭޝަން މިނިސްޓްރީން ވަނީ ނިންމާފައެވެ.
ކޮމެންޓްސް (0)