ކޮވިޑް-19 އާއި ގުޅިގެން ލޮކްޑައުންގައި އަދި މޮނިޓަރިންގެ ޙާލަތުގައި ނެތް ހުރިހާ ރަށްތަކެއްގައި މިއަދުގެ ހުކުރު ނަމާދުން ފެށިގެން ޖަމާޢަތުގައި ނަމާދުކުރަން ފެށުމަށް މިނިސްޓްރީ އޮފް އިސްލާމިކް އެފެއަރޒުން ދިނުމަށް ނިންމެވުމާއިގުޅިގެން އައްޑޫސިޓީގެ މިސްކިތްތަކުގައިވެސް މިއަދުގެ ހުކުރު ނަމާދުން ފެށިގެން ޖަމާއަތުގައި ނަމާދުކުރުމުގެ ހުއްދަ އައްޑޫސިޓީ ކައުންސިލުން ދީފިއެވެ.
މިކަމާބެހޭގޮތުން މިއަދު އައްޑޫސިޓީ ކައުންސިލުން ހާމަކޮށްފައިވާ އިއުލާނެއްގައި ބުނެފައިވަނީ އައްޑޫސިޓީގެ މިސްކިތް ތަކުގައި މިއަދުގެ ހުކުރު ނަމާދުން ފެށިގެން ޖަމާޢަތުގައި ނަމާދު ކުރާ ގޮތަށް ހަމަޖައްސައިފިކަމަށާ އަދި މިސްކިތައްގޮސް ޖަމާޢަތުގައި ނަމާދު ކުރާއިރު ތިރީގައި ދަންނަވާފައިވާ ގޮތައް މިސްކިތައް ނަމާދަށް ދާފަރާތްތަކުން ސަމާލުކަން ދޭންޖެހޭނެކަމަށެވެ.
- ގެއިން ވުޟޫކޮށްގެން މިސްކިތަށް ދިއުން
- މާސްކު އަޅައިގެން މިސްކިތަށް ދިއުން
- ގެއިން މުސައްލަ ހިފައިގެން މިސްކިތަށް ދިއުން
- އުމުރުން ދުވަސްވީ މީހުން މިސްކިތަށް ނުދިއުން
- ރޯގާޖެހި، ކެއްސާ ކިނބިހި އަޅާނަމަ މިސްކިތަށް ނުދިއުން
- މިސްކިތުގައި ގިނަ ވަގުތު ހޭދަނުކުރުން
ކޮމެންޓްސް (0)