ށ. އަތޮޅު މިލަންދޫން މީހަކު ކޮވިޑް-19 އަށް ޕޮޒިޓިވް ވެއްޖެވެ.
އޮންލައިން ނޫސް “ވަގުތު” ނޫހުގައި ރިޕޯޓުކޮށްފައިވާ ގޮތުގައި އެރަށުން ކޮވިޑް-19 އަށްމީހަކު ޕޮޒިޓިވްވިކަން ކަމާބެހޭ ފަރާތްތަކުން އަންގާފައި ވަނީ މީގެ އިރުކޮޅެއް ކުރިންނެވެ.
މިއާއި އެކު މާލެ ފިޔަވާ ކޮވިޑް-19 އަށް މީހުން ޕޮޒިޓިވްވި ރަށްތަކުގެ އަދަދު ހަތަރަކަށް އެރީއެވެ. މީގެ ކުރިން ހއ. އުލިގަމުން އެކަކު، އަދި ކ. ތުލުސްދޫން ދެ މީހަކާއި، ށ. ނަރުދޫން ހަތަރު މީހަކު ޕޮޒިޓިވް ވެފައި ވެއެވެ.
މިލަންދޫއިން ކޮވިޑް-19 އަށް ޕޮޒިޓިވް ވެފައި ވަނީ އަމާޒު ބޯޓުން ދަތުރު ކުރި ފިރިހެނެކެވެ.
“ވަގުތު” ރިޕޯޓްކޮށްފައިވާ ގޮތުގައި އެރަށުން ފަސް މީހެއްގެ ސާމްޕަލް ނަގާފައިވާއިރު، މިހާތަނަށް ނަތީޖާ ލިބިފައި ވަނީ ދެ ސާމްޕަލެއްގެ އެވެ. އޭގެ ތެރެއިން އެކަކު ޕޮޒިޓިވްވިއިރު އެކަކުގެ ނަތީޖާ ވަނީ ނެގެޓިވް ވެފައެވެ.
( އިތުރު ތަފްސީލް އަންނަނީ)
މަސްދަރު: ވަގުތު
ކޮމެންޓްސް (0)