އިތުރު 23 ޕޮޒިޓިވް ކޭސްއެއް ފެނި، އިއްޔެ ޕޮޒިޓިވްވި މީހުންގެ އަދަދު 73 އަށް އަރައިފިއެވެ.
“އިތުރަށް 23 ކޭސް ފެނުމުން 26/4/2020 ގައި ޖުމްލަ 73 މީހުންވަނީ މިވަނީ ޕޮޒިޓިވްވެފައި . އެހެންވެ މުޅި ޖުމްލަ 214 ކޭސް މިހާތަނަށް ފެނިފައިމިވަނީ. ” ރޭ ނޭޝަނަލް އިމަޖެންސީ އޮޕަރޭޝަންސް ސެންޓަރު (އެންއީއޯސީ)ގައި ރޭ ބޭއްވި ނޫސްވެރިންގެ ބައްދަލުވުމުގައި ޑރ. އިބްރާހިމް އަފްޒަލް ވިދާޅުވިއެވެ.
އެންއޯސީގައި ރޭ ބޭއްވެވި ނޫސްވެރިންގެ ބައްދަލުވުމުގައި މަޢުލޫމާތުދެއްވަމުން ޑރ.އިބްރާހިމް އަފްޒަލް ވިދާޅުވީ އަލަށް ޕޮޒިޓިވްވި 23 މީހުންގެ ތެރޭގައި އެއްވެސް ކްލަސްޓަރ އަކާ ގުޅުމެއް ނެތް މީހުންވެސް ހިމެނޭކަމަށެވެ.
މި މީހުންނާ ގުޅޭ ތަފްސީލް އެޗްޕީއޭއިން އަދި ހާމަކުރައްވަފައެއް ނުވެއެވެ. އެޗްޕީއޭއިން އެންމެފަހުން ހާމަކުރައްވާފައިވަނީ 2 ދިވެއްސަކާއި ޕާކިސްތާނުގެ ރައްޔިތެއް ޕޮޒިޓިވްވެގެންނެވެ. އެއީ އިއްޔެ އިރުއޮއްސެން އުޅެނިކޮށެވެ. އޭގެކުރިން އިއްޔެ ހަވީރުވަނީ އިތުރު 11 މީހަކު ކޯވިޑް-19 އަށް ޕޮޒިޓިވްވިކަން ވަނީ ހާމަކުރައްވާފައެވެ. އޭގެ ތެރޭގައިހިމެނެނީ ބަންގްލަދޭޝްއަށް ނިސްބަތްވާ 9 މީހުންނާއި، އިންޑިއާ މީހެއްގެ އިތުރުން ދިވެއްސެކެވެ.
މިބަލިން ރާއްޖޭގައި މިހާތަނަށް ރަނގަޅުވެފައިވަނީ ޖުމްލް 17 މީހުންނެވެ. މިހާރު ރާއްޖެއިން މިބައްޔަށް ޕޮޒިޓިވްވި މީހުންގެ ޢަދަދު މިވަނީ 214އަށް އަރާފައެވެ.
ކޮމެންޓްސް (0)