މޯލްޑިވްސް އިންލަޑް ރެވެނިއު އޮތޯރިޓީ ( މީރާ ) ގެ ކަލެކްޝަން ސެންޓަރެއް ހުޅުމީދޫގައި މިއަދު ހުޅުވައިފި އެވެ. މިއަދު ހުޅުވުނު މިއޮފީހުން އެންމެ ފުރަތަމަ ޚިދުމަތް ހޯދާފައިވަނީ ސ. ހުޅުދޫ ތަޑިރަންމާގޭ ސައިދާ މުޠީއުއެވެ.
ހުޅުމީދޫ ކަލެކްޝަން ސެންޓަރުގެ ސަބަބުން ހުޅުމީދޫގައި ދިރިއުޅުއްވާ ފަރާތްތަކަށް މީރާގެ ހިދުމަތް ފަސޭހަކަމާއެކު ގާތުން ލިބޭނޭ މަގު ފަހިވެގެން ދާނެކަމަށް މީރާއިން ވަނީ ހާމަކޮށްފައެވެ.
ހުޅުމީދޫ އެސްޓީއޯ ބިލްޑިންގ ގެ ދެވަނަ ފްލޯގައި ގާއިމްކުރެވިފައިވާ މި އޮފީހުން މީރާގެ މައި އޮފީހުން ދެމުންދާ ހުރިހާ ހިދުމަތްތަކެއް ލިބިގެންދާނެއެވެ.
އެގޮތުން ވިޔަފާރިތައް މީރާގައި ރަޖިސްޓްރީ ކުރުމާއި ޓެކްސް ބަޔާންތައް ބަލައިގަތުމާއި ޓެކުހުގެ ފައިސާއާއި މީރާއަށް ބަލައިގަންނަ އެހެނިހެން ފައިސާ ބަލައިގަތުމުގެ އިތުރުން ޓެކުހާއި ގުޅުންހުރި މައުލޫމާތު ބޭނުންވާ ފަރާތްތަކަށް އެ މައުލޫމާތު ފޯރުކޮށްދިނުމުގެ އިންތިޒާމް ވަނީ ހަމަޖެހިފައި ކަމަށް މީރާއިން ހާމަކުރެއެވެ.
ތިރީގައިވަނީ އެވަނީ މިއަދު ހުޅުވުނު މީރާ އޮފީސް ހުޅުވުމުގެ ރަސްމިއްޔާތުގެ ތެރެއިން ނެގިފައިވާ ފޮޓޯތަކެއް
ކޮމެންޓްސް (0)