އައްޑޫސިޓީ ކައުންސިލާއި ވެމްކޯ ގުޅިގެން ރޯދަމަހަށް ހާއްސަކޮށްގެން ކުރިއަށް ގެންދިޔަ ނަލަފެހި އައްޑޫ ޕްރޮގްރާމުގެ ދަށުން މިހާތަނަށް 300 ގެއިން މުޅި ޖުމްލަ 26 ޓަނުގެ ކުނި ނަގައިފިއެވެ.

ރޯދަމަހާ ދިމާކޮށް ގޭގެއިން ބޭރުކުރެވޭ ކުނި ހިލޭ ނަގައިދިނުމުގެ މި ޕްރޮގްރާމުގައި 395 ގެއަކުން ނަންނޯޓު ކުރިއެވެ. އޭގެ ތެރެއިން މިހާތަނަށް 300 ގެއިން ހިލޭ ކުނި ނަގައިދެވިފައިވާއިރު ބާކީ ކުނި ނުނެގި ހުރީ 95 ގެއަކުންނެވެ. އެއީ ހިތަދޫގެ 50 ގެއާއި، މަރަދޫގެ 19 ގެއާއި، މަރަދޫފޭދޫގެ 20 ގެއާއި ފޭދޫގެ 6 ގެއަކެވެ. ހުޅުދޫ އަދި މީދޫއިން ނަންނޯޓު ކުރި ހުރިހާ ގެއަކުންވަނީ ކުނި ނަގައި ނިމިފައެވެ.

މިޕްރޮގްރާމުގެ ދަށުން ކުނި ނުނެގި ބާކީ މިހާރު ހުރި 95 ގެއިން ކުނި ނެގުމަށް ހަމަޖެހިފައިވަނީ 18 މޭ ވާ ހޮނިހިރު ދުވަހުއެވެ.

ކުނީގެ މައްސަލައަކީ އައްޑޫއަށް އަބަދުވެސް ބޮޑު މައްސަލައަކަށްވެފައި އާންމުންގެ ޝަކުވާ ގިނައިން ހުށަހެޅޭ ކަމަކަށްވުމާއެކު، ކުނީގެ މައްސަލަ ހައްލުކުރުމަށް ކައުންސިލާއި ވެމްކޯއިން ވަނީ މަސައްކަތް ފަށާފައެވެ. މިގޮތުން ނަލަފެހި އައްޑޫ ޕްރޮގްރާމުގެ ދަށުން ގޭގެއިން ހިލޭ ކުނި ނަގައިދިނުމުގެ އިތުރުން ރޯދަ ވީއްލާ ގަޑިއާ ދިމާކޮށް މިސްކިތްތަކުން އުފެދޭ ކުނި ނަގައިދިނުމުގެ މަސައްކަތްވެސް މިހާރު ވަނީ ފެށިފައެވެ.

ކުނި ނެގުމާއި ކުންޏާ ގުޅޭ ކަންކަމުގައި މަޢުލޫމާތު ހޯއްދެވުމަށް ގުޅުއްވަންޖެހޭ ނަންބަރަކީ 1666 އެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ވާދަވެރި ކުޅުމަކާއެކު ފެނަކަ ބަލިކޮށް އެމްޓީސީސީން ސެމީފައިނަލަށް

މިހާރު ހުޅުދޫގައި ކުރިއަށްދާ ” އައްޑޫރަސްރަނި ނެޓްބޯޅަ ޗެލެންޖް” ގައި އިއްޔެ ކުޅެވުނު ދެވަނަމެޗްގައި ވާދަވެރި ކުޅުމަކާއެކު ފެނަކަ ...

ފަލަސްޠީނުގައި ހާލުގައި ޖެހިފައިވާ ރައްޔިތުންނަށް މީދުން ދީލަތި އެހީއެއް ފޯރުކޮށްދީފި

ފަލަސްޠީނުގައި ހާލުގައި ޖެހިފައިވާ ރައްޔިތުންނަށް މީދުން ދީލަތި އެހީއެއް ފޯރުކޮށްދީފިއެވެ. މިއެހީއަކީ މީދޫ އަވަށު އޮފީހުން އިސްނަގައިގެން އައިއޯސީ ...

އިންޓަރނޭޝަނަލް ޖެންޑަރ ޗެމްޕިއަންގެ ލަގަބު މިނިސްޓަރ ޝާހިދުއަށް

އިންޓަރނޭޝަނަލް ޖެންޑަރ ޗެމްޕިއަންގެ ލަގަބު ރާއްޖޭގެ ފޮރިން މިނިސްޓަރ ޢަބްދުﷲ ޝާހިދަށް އަރުއްވައިފިއެވެ. މިންތީގެ ހަމަހަމަކަން ޤާއިމްކުރެއްވުމަށް ފޮރިން ...