ޝަރަފުއްދީން ކަޓުވާލާ ހުޅުދޫ ސްކޫލްފައިނަލަށް

މަމެން އައްޑޫސިޓީ އިންޓަރ ސްކޫލް ފުޓްބޯޅަ މުބާރާތުގައި  ހިތަދޫ ޝަރަފުއްދީން ސްކޫލް ކަޓުވާލާ، ހުޅުދޫ ސްކޫލް ފައިނަލަށް ދަތުރުކޮށްފިއެވެ.

އިއްޔެ ހަވީރު ހިތަދޫ ޒޯންސްޓޭޑިއަމްގެ ދަނޑުގައި ކުޅެވުނު 12 އަހަރުން ދަށުގެ ސެމީފައިނަލްގެ ދެވަނަމެޗްގައި ޝަރަފުއްދީން ސްކޫލްގެ ޓީމާވާދަކޮށް ހުޅުދޫ ސްކޫލް މޮޅުވީ 4 ލަނޑު 1 ލަނޑުންނެވެ.

ދެޓީމްގެ ފަރާތުން ދާދީހަމަހަމަ ކުޅުމެއް ފެނިގެންދިޔަ މިމެޗްގައި ފުރަތަމަ ލަނޑު ޖަހާ ލީޑް ނެގީ ޝަރަފުއްދީން ސްކޫލުންނެވެ. އެހެންނަމަވެސް މެޗްގެ ފުރިހަމަ ވަގުތު ހަމަވުމުގެކުރީން ހުޅުދޫސްކުންވެސް ވަނީ ލަނޑެއްޖަހާ މެޗްގެ ނަތީޖާ ހަމަހަމަކޮށްފައެވެ.

މިމެޗްގެ ފުރިހަމަ ވަގުތު ހަމަވެގެންދިޔައީ 1 ލަނޑު 1 ލަނޑުން ދެޓީމް އެއްވަރުވެފައި އޮވެގެންނެވެ. އެހެންކަމުން ނަތީޖާ ކަނޑައެޅުމަށް ޕެނަލްޓީ ޖެހިޖެހުމުގައި ހުޅުދޫ ސްކޫލްގެ ކުޅުންތެރީން ޖެހި 3 ޕެނަލްޓީވެސް އެޓީމުން ކާމިޔާބުކުރިއެވެ. ނަމަވެސް ޝަރަފުއްދީން ސްކޫލްގެ ކުޅުންތެރީން ޖެހި 3 ޕެނަލްޓީވެސްވަނީ ނާކާމިޔާބުވެފައެވެ.

އެހެންކަމުން 4 ލަނޑު 1 ލަނޑުގެ ނަތީޖާއަކުން ޝަރަފުއްދީން ސްކޫލްގެ މައްޗަށް ކުރި ހޯދައިގެން ހުޅުދޫ ސްކޫލްވަނީ ފައިނަލަށް ދަތުރުކޮށްފައެވެ.

ހުޅުދޫ ސްކޫލާއި ފައިނަލްގައި ވާދަކުރާނީ ސެމީފައިނަލްގެ ފުރަތަމަމެޗްގައި މަރަދޫއިރުޝާދިއްޔާ 7 ލަނޑު 0 ލަނޑުގެ ބޮޑުތަފާތަކުން ބަލިކޮށް ފައިނަލަށް ގޮސްފައިވާ ހިތަދޫސްކޫލާއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

އަނިޔާއަށް ފަހު ޔާސީން އެނބުރި ފަރިތަކުރުންތަކަށް

މީދޫގެ މަޝްހޫރު ވޮލީ ކުޅުންތެރިޔާ ޔާސީންގެ ކަކުލު ހުޅަށް ލިބުނު އަނިޔާއަށް ފަހު އެނބުރި ވޮލީގެ ޓްރެއިނިންގއަށް އަތުވެއްޖެއެވެ. ...

ސައުތު ބްލޫޒް ވުމަންސް ވޮލީބޯލް ޓޫނަމެންޓް- ދެވަނަ މެޗް ކާމިޔާބުކުރީ ގއ. ޕޮލިސް

މިހާރު މީދޫގައި ކުރިއަށްދާ ” ސައުތު ބްލޫޒް ވުމަންސް ވޮލީބޯލް ޓޫނަމެންޓްގެ ދެވަނަ މެޗް ގދ. ޕޮލިސްޓީމު ކާމިޔާބުކޮށްފިއެވެ. ...

ވާދަވެރި ކުޅުމަކާއެކު ފެނަކަ ބަލިކޮށް އެމްޓީސީސީން ސެމީފައިނަލަށް

މިހާރު ހުޅުދޫގައި ކުރިއަށްދާ ” އައްޑޫރަސްރަނި ނެޓްބޯޅަ ޗެލެންޖް” ގައި އިއްޔެ ކުޅެވުނު ދެވަނަމެޗްގައި ވާދަވެރި ކުޅުމަކާއެކު ފެނަކަ ...