ރޮލެކްސް ގަޑިއާއި ކޮހިނޫރު އަގޮޓީގެ ޒަމާން ނިމިގެން ގޮސްފި – ރައީސް ނަޝީދު

ރޮލެކްސް ގަޑިއާއި ކޮހިނޫރު އަގޮޓީގެ ޒަމާން ނިމިގެން ގޮސްފައިވާކަމަށް ކުރީގެ ރައީސް އަދި 19 ވަނަ ރަށްޔިތުންގެ މަޖިލިހުގެ އިންތިޚާބުގައި މައްޗަންގޯޅީ މެދުދާއިރާގެ ގޮޑި ކާމިޔާބުކުރެއްވި މުހައްމަދު ނަޝީދު ވިދާޅުވެއްޖެވެ.

ރައީސް ނަޝީދު މިފަދައިން ވިދާޅުވީ 19 ވަނަ ރަށްޔިތުންގެ މަޖިލިހުގެ އިންތިޚާބުގައި އެމްޑީޕީއަށް ލިބުނު ކާމިޔާބީ ފާހަގަކުރުމަށް ބޭއްވި އުފާފާޅުކުރުމުގެ ހަރަކާތުގައި އާއްމުންނާއި މުޚާޠަބްކުރައްވާ ވާހަކަފުޅު ދައްކަވަމުންނެވެ.

” ރޮލެކްސްގަޑިއާއި ކޮހިނޫރު އަގޮޓީގެ ޒަމާން ނިމުނީ ، ތިޔަބޭފުޅުން އިންތިޚާބްކުރެއްވީ ނަޒާހަތްތެރި ރަށްޔިތުންގެ މަޖިލިހެއް ، އިރާދަކުރެއްވިޔާ އަޅުގަޑުމެން ތިޔަބޭފުޅުންނަށް އެވާޖިބް އަދާކޮށްދޭނަން، ތިޔަބޭފުޅުން ބޭނުންފުޅުވެ ވަޑައިގެންނެވީ ތިޔަބޭފުޅުންގެ އާއްމު ހާލަތު ރަގަޅުކުރުމަށް ، ތިޔަބޭފުޅުން ބޭނުންފުޅުވެވަޑައިގަތީ ބޯހިޔާވަހިކަން ، އިރާދަކުރެއްވިއްޔާ އަޅުގަޑުމެން ތިޔަބޭފުޅުން ތިޔައެދިވަޑައިގެންނެވި ރަށްޔިތުންގެ މަޖިލިހުގެ މަސައްކަތް ތިޔަބޭފުޅުންނަށް ހޯދާދޭނަން، މިކާމިޔާބަކީ އެއްވެސް ޝައްކެތްނެތްގޮތުގައި ތިޔަބޭފުޅުންގެ ކާމިޔާބީއެއް ،   ”  ނަޝީދު ވިދާޅުވިއެވެ

ރައީސް ނަޝީދު ވިދާޅުވީ ރަށްޔިތުން ދެއްވި  ތާއީދާއެކީގައި ރަށްޔިތުންއެދޭ މަސައްކަތްތައް  ރަތްޔިތުންނަށް ކޮށްދޭނެކަމަށެވެ.

” މިދިވެހިރާއްޖެ އަލިވިލެން މިދަނީ މާއުފާވެރި ފަތިހަކަށް ، ރަންރީދޫއިން ޖަރީވެފައިވާ ފަތިހަކަށް ، ދިވެހިރާއްޖޭގެ ރަށްޔިތުންގެ އުއްމީދީ ފަތިހަކަށް ، އަޅުގަޑުމެން އިރާދަކުރެއްވިއްޔާ ތިޔަބޭފުޅުން އަޅުގަޑުމެންނާ ހަވާލްކޮށްދެއްވާފައިވާ މަސައްކަތް އަކުރުން އަކުރަށް ރަނުން ރަނަށް ކޮށްދޭނަން ، ” ރައީސް ނަޝީދު ވިދާޅުވިއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ޔޫރޯ އަންޑަރ ޓުވެންޓީވަން ފުޓްބޯޅަ މުބާރާތް: ޖަރުމަން ޗެމްޕިއަންކަން ހޯދައިފި

ޔޫރޯ އަންޑަރ ޓުވެންޓީވަން ފުޓްބޯޅަ މުބާރާތުގެ ޗެމްޕިއަންކަން ޖަރުމަނުޓީމް ހޯދައިފިއެވެ. ޖަރުމަނުޓީމުން މިމުބާރާތުގެ ޗެމްޕިއަންކަން ހޯދީ ރޭ ކުޅެވުނު ...

ޗެލެންޖާސް އާއި އުސްގަޑަ ޖޫނިއާސްގެ ކުރިމަތިލުން އެއްވަރު

ގައުމު އެފްސީން  އިންތިޒާމުކޮށްގެން މީދޫގައި  ބާއްވާ “ގައުމު ސްޓްރީޓް ކަޕް” ފުޓްބޯޅަ މުބާރާތުގައި ގްރޫޕް އޭގައި ހިމެނޭ ޓީމްތަކުގެ ...

ދިރާގުގެ ބިލްތަކަށް ފައިސާ ދެއްކުމުގެ ޚިދުމަތާއެކު ދިރާގު ޕާޓްނާ ފިހާރައެއް ހުޅުމީދޫގައި ހުޅުވައިފި

ދިރާގުގެ ބިލްތަކަށް ފައިސާ ދެއްކުމުގެ ޚިދުމަތާއެކު ދިރާގު ޕާޓްނާ ފިހާރައެއް ހުޅުމީދޫގައި ހުޅުވައިފިއެވެ. މިއީ ދިރާގުން އަމިއްލަ ފަރާތްތަކާއި ...