މީދޫއާއި ވަރަށްބޮޑު އާއިލީގުޅުމެއް އޮންނަކަމަށާ މަރަދޫފޭދޫއަށް ބަލާއިރު މަރަދޫފޭދޫގެ ރަށްޔިތުންނާއި ހިތާހިތުގެ ގުޅުމަކުން ގުޅިފައިވާކަމަށް ރޮޒެއިނާ އާދާމް ވިދާޅުވެއްޖެވެ .
ރޮޒެއިނާ މިހެން ވިދާޅުވީ މިމަހުގެ 25 ވަނަދުވަހު ޕީއެސްއެމްއިން ކުރިއަށް ގެންދެވި ރަށްޔިތުންގެ މަޖިލިހުގެ އައްޑޫމީދޫދާއިރާގެ ބަހުސްގައި ވާހަކަފުޅުދައްކަވަމުންނެވެ.
އައްޑޫގެ ރަށްޔިތުންނަކީ އަބަދުވެސް ވަޠަނީބައެއް ، އަދި އައްޑޫގެ އާއިލާތަކަކީ ސިޔާސީ ފިކުރު ކޮންމެ ގޮތަކަށް އޮތްކަމުގައިވިޔަސް އަބަދުވެސް ގާތްގުޅުމެއް ބާއްވަމުންދާ ބައެއްކަމަށްކަމަށް ވިދާޅުވެ ވާހަކަފުޅު ދައްކަވަމުން ރޮޒެއިނާ ވިދާޅުވީ އެކަން އެކަމަނާ ތަޖުރިބާކޮށްފައިވާކަމަށެވެ.
” އަޅުގަޑު އުފަލާއެކީގައި އަޅުގަޑުގެ ދާއިރާގެ މެމްބަރުންނަށް ދަންނަވާލަން ބޭނުންވަނީ އައްޑޫ މީދޫދާއިރާގެ ގޮޑީގައި އަޅުގަޑު ދެންވެސް ބައިންދައިފިކަމަށް ވަންޏާ ތިޔަބޭފުޅުންގެ ތިގޮޑި ނީލަމުގައި އިންނަދުވަހެއް ކުރިއަށްއޮތް މުސްތަގުބަލުގައި ނާންނާނޭ .” ރޮޒެއިނާ ވިދާޅުވިއެވެ.
ކޮމެންޓްސް (0)