ޝުކުރީ އަކީ ދެކެދެކެވެސް ނުދެކޭފަދަ ހިންގުންތެރި ކުޅަދާނަ ބޭފުޅެއް

Advertisement

އައްޑޫސިޓީ ހުޅުދޫ އަވަށުގެ މިހާރުގެ ކައުންސިލަރު ޝުކުރީ އަކީ ދެކެދެކެވެސް ނުދެކޭފަދަ ހިންގުންތެރި ކުޅަދާނަ ބޭފުޅެއްކަމުގައި ހުޅުދޫ ދާއިރާގެ ގިނަބަޔަކު ގަބޫލްކުރެއެވެ.

“ޝުކުރީއަކީ އަޅުގަނޑުމެން ޒުވާނުންގެ އުންމީދުތައް ހާސިލް ކުރުމަށް މަގުފަހިކޮށްދޭ ބޭފުޅެއް ، މިގޮތުން ޝުކުރީ އިސްކޮށް ހުންނަވައިގެން ހުޅުދޫގެ ފުޓްބޯޅަ ދަނޑުގައި ލައިޓްހަރުކޮށްދީ ޒުވާނުންނަށް ރޭގަޅު ބޮކިއަލީގައި ފުޓްބޯޅަ ކުޅެވޭނެގޮތް ވަނީ ހައްދަވާ ދެއްވާފައި . އަދި މީގެ އިތުރަށް ރަށުގެ މަގުތައް ވަރަށްބޮޑަށް ހަލާކުވެފައި ވުމުގެ ސަބަބުން ކަމާބެހޭ ފަރާތްތަކުގައި ދަންނަވައިގެން މަގުތައްވެސް ރަގަޅު ފެންވަރަކަށް ހެދޭތޯ މަސައްކަތް ކުރަމުންދާއިރު ކުރީގެ ސަރުކާރުން ތާރުއަޅައިގެން ރަގަޅު ފެންވަރަކަށް ހެދުމަށް ފެށި ހުޅުދޫގެ ބޮޑުމަގުގެ މަސައްކަތް ހުއްޓިފައިވުމުން އެމަގުގައި ތާރުއަޅައިގެން އެމަގު ވީހާވެސް އަވަހަކަށް ހެދޭތޯ  ޝުކުރީ ދަނީ މަސައްކަތް ކުރައްވަމުން . އަދި ހުޅުދޫގައި ޖަހާފައިވާ މަގުމަތީ ބައްތިއްތައް  ނުދިއްލި ހުރުމުގެ ސަބަބުން އެކަންވެސް ކަމާބެހޭ ފަރާތްތަކާއި ވާހަކަދައްކަވައިގެން ހައްލުކުރުމުގެ މަސައްކަތް ކުރަމުންދާއިރު އަލަށް އާބާދުވާ ސަރަހައްދުތަކާއި މަގުމަތީ ބައްތިތައް މަދު ސަރަހައްދުތަކުގައި ބައްތިއްޖެހުމަށްޓަކައި ބަޔަކާއި މަސައްކަތް ހަވާލް ކުރުމުގެ މަސައްކަތް ޝުކުރީދަނީ ކުރައްވަމުން . އަދި ޝުކުރީއަކީ ވަކި ޕާޓީއަކަށް ބެލުމެއްނެތި އަޅުގަޑުމެންގެ ކަންކަންކޮށްދެއްވުމުގެ ހުންގާނުގައި ހުންނެވި ގާބިލް ލީޑަރެއް . ޚާއްސަކޮށް އަޅުގަޑުމެންނަށް ޝުކުރީ ފާހަގަކުރެވެނީ އައްޑޫސިޓީ ކައުންސިލްގައި މިހާރު ހިމެނިވަޑައިގަންނަވާ ބޭފުޅުންގެ ތެރެއިން އެންމެ ހިންގުތެރި އެންމެ ގާބިލް ބޭފުޅާގެ ގޮތުގައި .

” ނަން ހާމަ ނުކުރުމަށް އެދި ހުޅުދޫ ޒުވާނަކު ވީއޯއެމްއަށް މައުލޫމާތު ދެމުން ބުނެފައިވެއެވެ.

އައްޑޫ ސިޓީ ކައުންސިލްގެ ހުޅުދޫ ދާއިރާގެ ކައުންސިލަރ ކަމަށް އެމްޑީޕީގެ ފަރާތުން ވާދަކުރެއްވި އިބްރާހިމް ޝުކުރީ ކައުންސިލަރުގެ މަގާމަށް ހޮވިވަޑައިގެންފައިވަނީ 6 މެއި 2017 ވަނަ ދުވަހު ބޭއްވުނު ކައުންސިލް އިންތިޚާބުގައި ޕީޕީއެމްގެ ކެނޑިޑޭޓް އަލީ މުހައްމަދާއި ވާދަކޮށް 830 ވޯޓް ހޯއްދަވައިގެންނެވެ. އެ އިންތިޚާބުގައި އަލީ މުހައްމަދަށް ލިބިވަޑައިގެންނެވީ 629 ވޯޓެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

މަސްއޫލިއްޔަތާ ހަވާލުވާ މީހުންގެ ކިބައިގައި، އެކަން އަދާކުރުމުގެ ގާބިލްކަން ނެތުމަކީ ފަހު ޒަމާނުގެ އަލާމާތެއް: ހުތުބާ

މަސްއޫލިއްޔަތުތަކާއި ހަވާލުވާ މީހުންގެ ކިބައިގައި، އެ ހަވާލުވާ މަސްއޫލިއްޔަތެއް އަދާކުރުމުގެ ގާބިލްކަން ނެތުމަކީ ފަހު ޒަމާނުގެ އަލާމާތެއް ކަމަށް މިއަދުގެ ...

ހުޅުދޫ ފަޅުކޮށްފައިވަނީ ސިޔާސީ ފިކުރުތަކުން – އައްބާސް

ހުޅުދޫ ރަށްޔިތުން ހުޅުދޫ ފަޅު ނުކުރާކަމަށާ ހުޅުދޫ ފަޅުކޮށްފައިވަނީ ސިޔާސީ ފިކުރުތަކުންކަމަށް ލޯކަލް ކައުންސިލް އިންތިޚާބުގައި ހުޅުދޫދާއިރާއަށް އަމިއްލަގޮތުން ...

ރަޔަން – ހުރިހާގޮތަކުންވެސް ތަފާތު މޮޅު ކުޅުންތެރިއެއް

ނިމިދިޔަ ގައުމު ސްޓްރީޓް ކަޕް –ފުޓްބޯޅަ މުބާރާތުގެ ޗެމްޕިއަންކަން މީދޫ ލޮތަރި އެފްސީ ހޯދިއިރު ގިނަބައެއްގެ ލޯ އަމާޒްވެގެން ...