ޓީމް ޓަފްސިކްސް ބަލިކޮށް ޓީމް ޗެލެންޖާސް ފައިނަލަށް

Advertisement

ޖޯލިއަންސް މިކްސް ވޮލީ މުބާރާތުގައި ރޭ  ކުޅުނު ފުރަތަމަ ސެމީ ފައިނަލު މެޗުގައި ޓީމް ޓަފްސިކްސް ބަލިކޮށް ޓީމް ޗެލެންޖާސް  ފައިނަލުގެ ފުރަތަމަ ޖާގަ ކަށަވަރުކޮށްފި އެވެ.

ގިނަ އަދަދެއްގެ ސަޕޯޓަރުން ފޯރިނަގަމުން ދިޔަ ރޭ ކުޅެވުނު ސެމީފައިނަލް މެޗު ޗެލެންޖާސް ކާމިޔާބުކޮށްފައިވަނީ ސީދާ ތިންސެޓުންނެވެ.

ޓީމް ޗެލެންޖާސް މިމުބާރާތުގެ ފައިނަލުން ޖާގަ ހޯދިއިރު މިމުބާރާތުގައި އެޓީމު ބަލިވެފައިވަނީ އެންމެ މެޗަކުންނެވެ. އެއީ މިމުބާރާތް ފެށުމުގެ ގޮތުން ކުޅެވުނުމެޗްގައި ޓީމް ލިޓަސްއާއި ބައްދަލުކޮށް 3 ސެޓް 2 ސެޓުންނެވެ. ޗެލެންޖާސް އަތުން މިމުބާރާތުގައި މޮޅުވި ޓީމް ލިޓަސް މިމުބާރާތުގެ ސެމީފައިނަލަށްވެސް ނުހޮވި މުބާރާތުންވަނީ ކަޓާފައެވެ.

ފެނަކަ ކޯޕަރޭޝަން މަރަދޫފޭދޫ ބްރާންޗްގެ އެޗްއާރު ސްޕަވައިޒަރު އަލީ ނަސީރާއި ޔޫތު މިނިސްޓްރީގެ ކުރީގެ ކޯޑިނޭޓަރު މަރަދޫފޭދޫ އަބްދުލް މަސީހު އަދި ސައުތު އިންވެސްޓްމެންޓްގެ މެނޭޖަރ އަހުމަދު ޒިޔާދު ޝަރަފްވެރިކޮށްދެއްވި މިމެޗްގެ  މޭންއޮފްދަ މެޗަކަށް ޗެލެންޖާސްގެ މަނޯޖް  ހޮވުނުއިރު   މިމެޗްގެ ކްއީން އޮފްދަ މެޗަކަށް ހޮވިފައިވަނީ ޓީމް ޗެލެންޖާސްގެ ފާތުމަތު ރިޒްނާއެވެ.

ފޭދޫ ޒުވާނުން އިންތިޒާމްކޮށްގެން ފޭދޫ ވޮލީ ކޯޓްގައި ކުރިއަށް ގެންދާ މިމުބާރާތުގެ މަޤްޞަދަކީ ކުޅިވަރުގެ ރޫޙް އާލާ ކުރުމާއި ވޮލީބޯޅައިގެ ރޫހު އާލާ ކުރުމުގެ އިތުރަށް  އެކުވެރިކަން ބަދަހިކުރުންކަމަށް މުބާރާތް އިންތިޒާމް ކުރާ ފަރާތުން މައުލޫމާތުދެއެވެ.

ޖުމްލަ ހަ ޓީމެއް ބައިވެރިވި މުބާރާތުގެ ޗެމްޕިއަން ޓީމަކަށް ފަސްހާސް ރުފިޔާ، ރަނައަޕްޓީމަށް ތިން ހާސް ރުފިޔާ އަދި ތިންވަނައަށް ހޮވޭ ޓީމަކަށް އެއްހާސް ރުފިޔާ ދިނުމަށް ވަނީ ހަމަޖެހިފައެވެ.

މިމުބާރާތުގެ ސެމީފައިނަލްގެ ދެވަނަމެޗް މިރޭ ކުޅުމަށް ހަމަޖެހިފައިވާއިރު މިމެޗްގައި ބައްދަލުކުރުމަށް ހަމަޖެހިފައިވަނީ ޓީމް އަލްފައިންއާއި ޓީމް ގަރާޖެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

މީދޫ ޓާފް ދަނޑު ހުޅުވައިފި

މީދޫގައި ސަރުކާރުން ތަރައްގީ ކުރި ޓާފް ދަނޑު ރަސްމީކޮށް ހުޅުވައިފިއެވެ. އާދީއްތަ ދުވަހުގެރޭ ބޭއްވި ރަސްމިއްޔާތެއްގައި އެ ދަނޑު ...

މީދޫޓީމުން ފަހަތުން އަރާ ޓީމް ވޯރިއަރސް ބަލިކޮށްފި

ޓީމް ވޮރިއާސް  ލީޑު ނަގާފައިވަނިކޮށް ފަހަތުން އަރާ ކާމިޔާބުކުރި ސެޓުތަކާއެކު ސަދަން ސްޕޯޓްސް  ވޮލީބޯޅަ މުބާރާތުގައި މީދޫ ވޮލީޓީމް ...

މިނިވަންކަޕް 2018 : ފައިނަލަށް ތައްލިހިއާއި ޑީކޭ

ހުޅުދޫގައި މިހާރު ބާއްވަމުންދާ  “މިނިވަންކަޕް ފުޓްސަލް މުބާރާތު”ގެ ފައިނަލަށް ތައްލިހި އާއި ޑީކޭ ދަތުރުކޮށްފި އެވެ. މި ދެ ...