ފަތުރުވެރިކަމުގެ ދާއިރާ: ދިވެހީންނަށް ލިބޭ އިނާޔަތްތައް ބޮޑުކުރުމަށް މަޖިލިހުގެ ގިނަމެމްބަރުން ގޮވާލައްވައިފި

ފަތުރުވެރިކަމުގެ ސިނާއަތުގައި މަސައްކަތްކުރާ ދިވެހީންނަށް ލިބޭ އިނާޔަތްތައް ބޮޑުކުރުމަށް މަޖިލިހުގެ ގިނަމެމްބަރުން ގޮވާލައްވައިފިއެވެ. މެމްބަރުން މިގޮތައް ގޮވާލެއްވީ ޓުއަރިޒަމް ގާނޫނަށް ރަށްޔިތުންގެ މަޖިލިހުގެ މާފަންނު ދެކުނު ދާއިރާގެ މެމްބަރު އަބްދުﷲ ރިފާއު ހުށަހެޅުއްވި އިސްލާހަށް މަޖިލިހުގައި ބަހުސް ކުރައްވަމުންނެވެ.

މިއިސްލާހަށް ވާހަކަ ދެއްކެވި ގިނަމެމްބަރުންވަނީ ފަތުރުވެރިކަމުގެ ސިނާއަތުން އާމްދަނީ ހޯދުމަށް ވިސްނާ އިސްލާހު ގެންނައިރު އެސިނާއަތުގައި މަސައްކަތްކުރާ ދިވެހި މުވައްޒަފުންނަށްވެސް އާމްދަނީ އިތުރުވާނޭގޮތައް  ގާނޫން އިސްލާހު ކުރުމަށް ގޮވާލާފައެވެ. އަދި މީގެ އިތުރަށް މެމްބަރުންވަނީ ފަތުރުވެރިކަމުގެ ސިނާއަތަކީ ރާއްޖެއަށް އެންމެ ބޮޑު އާމްދަނީއެއް ވަންނަ ސިނާއަތްކަމުގައި ވީނަމަވެސް އެސިނާއަތުގައި މަސައްކަތްކުރާ ދިވެހީންނަށް އެކަށީގެންވާ އިނާޔަތާ މުސާރަ ނުލިބޭކަން ފާހަގަކުރައްވާފައެވެ. އަދި ޓުއަރިޒަމްގެ ސިނާއަތުގައި ބިދޭސީ މުވައްޒަފުންނާއި ދިވެހި މުވައްޒަފުންގެ ތަފާތުކުރުން އިންތިހާއަށްއޮތްކަމުގެ ކަންބޮޑުވުން މެމްބަރުން ފާޅުކުރެވިއެވެ.

މިބލަށް ވާހަކަ ދެއްކެވި ގިނަމެމްބަރުންވަނީ ޓުއަރިޒަމް ގާނޫނަށް ގެނައި އިސްލާހުތަކަކީ ހަމައެކަނި ދައުލަތަށް އާމްދަނީ އިތުރުކުރުމަށް ކުރާކަމެއްގެ ގޮތުގައި ހެދުމުގެ ބަދަލުގައި ތައުލީމީ ޒުވާނުން މިސިނާއަތަށް ނެރެވޭނެގޮތައް އަދި އާމްދަނީ ދިވެހީނަށް ބޮޑުވާނެގޮތައް ގާނޫނު އިސްލާހު ކުރުމަށް ވާހަކަދައްކަވާފައެވެ.

” އަބަދު އިވޭ ޝަކުވާއަކީ ޓުއަރިޒަމް އިންޑަސްޓްރީގައި މަސައްކަތްކުރާ ދިވެހީންނަ ލިބޭ އިނާޔަތާ ދިވެހީންނަށް ލިބޭ މުސާރަ ކުޑަވެގެން ލިބެމުން އަންނަ ޝަކުވާ . އެއަށް އެބަޖެހޭ އަޅުގަޑުމެން ކޮންމެވެސް ބަދަލެއް ގެންނަން . ގާނޫންތަކުގެ ތެރެއިން އެބަޖެހޭ އެކަން ކުރަން . ހިތަދޫ ދެކުނު ދާއިރާގެ މެމްބަރު އަލީ  ނިޒާރު ވިދާޅުވިއެވެ. .

ޓޫރިޒަމްގެ ގާނޫނަށް 2016 ވަނަ އަހަރުގެ ޖޫންމަހުގެ 26 ވަނަ ދުވަހު ގެނައި އިސްލާހުގައި ވަނީ ބިޑްކުރުމަކާ ނުލާ ފަތުރުވެރިކަމުގެ ބޭނުމަށް ރަށްރަށުގައި ނުވަތަ ބިމުގައި ނުވަތަ ފަޅުތަކުގައި ހިންގުމަށް ބޭނުންވާ މަޝްރޫއެއްގެ ތަފްސީލާއެކު ހުށަހެޅުމުން  އެތަނެއް ދޫކުރެވޭނެކަމަށެވެ.

ޕީޕީއެމްގެ މެމްބަރުންގެ ތާއިދާއެކު ފާސްކޮށްފައިވާ މިއިސްލާހު ބާޠިލްކުރުމަށް ޕީޕީއެމްގެ މެމްބަރު އަބްދުﷲ ރިފާއު ހުށަހެޅުއްވީ އެއިސްލާހުގެ ސަބަބުން ފަތުރުވެރިކަމަށް ގެއްލުންވާނެކަމަށް ބުނެފައެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ރޮލެކްސް ގަޑިއާއި ކޮހިނޫރު އަގޮޓީގެ ޒަމާން ނިމިގެން ގޮސްފި – ރައީސް ނަޝީދު

ރޮލެކްސް ގަޑިއާއި ކޮހިނޫރު އަގޮޓީގެ ޒަމާން ނިމިގެން ގޮސްފައިވާކަމަށް ކުރީގެ ރައީސް އަދި 19 ވަނަ ރަށްޔިތުންގެ މަޖިލިހުގެ ...

ކަރަންޓީނުކޮށްފައިހުރި ގެއަކަށް ޒުވާނުން ވަދެ ނިކުމެ ހެދުމަކީ ވަރަށްދެރަކަމެއް – އަލީ ނަޒީރު

މީދޫގައި ކޮވިޑާއިގުޅިގެން ހޯމް ކަރަންޓީން ކޮށްފައިވާ ގެއަކަށް ޒުވާނުން ވަދެނިކުމެ  ހެދުމަކީ ވަރަށްދެރަކަމެއްކަމަށްބުނެ ” އަލީ ނަޒީރު ” ...

އަދުހަމް 23 އަހަރަށް ޖަލަށް ލާން ހުކުމްކޮށްފި

މިދިޔަ މޭ މަހުގެ ހަ ވަނަ ދުވަހު ރައީސް މުހައްމަދު ނަޝީދު އަވަހާރަކޮށްލަން ބޮން ގޮއްވާލި އަދުހަމް އަހުމަދު ...