އިންތިޚާބީ ރައީސްއާއި ނާއިބު ރައީސް ހުވާކުރެއްވުން ހަވީރު 5 ޖަހާއިރު

އިންތިޚާބީ ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙާއި އިންތިޚާބީ ރައީސުލްޖުމްހޫރިއްޔާގެ ނާއިބު ފައިސަލް ނަސީމް، މަޤާމުގެ ހުވާކުރެއްވުމަށް ބާއްވާ ޚާއްޞަ ރަސްމިއްޔާތު މިއަދު ހަވީރު އޮންނާނެއެވެ.

ގަލޮޅު ރަސްމީ ދަނޑުގައި ބާއްވާ މި ރަސްމިއްޔާތު ފަށާނީ ހަވީރު ފަހެއް ޖަހާއިރުއެވެ.

މި ރަސްމިއްޔާތުގައި ދެބޭފުޅުން މަޤާމުގެ ހުވާކުރެއްވުމަށްފަހު އިޤުރާރުގައި ސޮއިކުރެއްވާނެއެވެ. އިންތިޚާބީ ރައީސް މަޤާމުގެ ހުވާކުރެއްވުމުން، އެމްއެންޑީއެފުން އެމަނިކުފާނަށް 21 ބަޑީގެ ސަލާމެއް އަރުވާނެއެވެ. އަދި މަޤާމުގެ ހުވާކުރެއްވުމަށްފަހު އިބްރާހީމް މުޙައްމަދު ޞާލިޙް ޤައުމާ މުހާތަބްކޮށް، ތަޤްރީރުކުރައްވާނެއެވެ.

ރައީސުލްޖުމްހޫރިއްޔާއާއި، ރައީސުލްޖުމްހޫރިއްޔާގެ ނާއިބު ހުވާކުރުމަށް ބާއްވާ ރަސްމިއްޔާތުގައި ބޭރުގެ ޤައުމުތަކުގެ ޢިއްޒަތްތެރިންނާއި ބައިނަލްއަޤްވާމީ ޖަމަޢާތްތަކުގެ އިސްވެރިންވެސް ބައިވެރިވެވަޑައިގަންނަވާނެއެވެ.

ރައީސުލްޖުމްހޫރިއްޔާއާއި، ރައީސުލްޖުމްހޫރިއްޔާގެ ނާއިބު ހުވާކުރުމުގެ ރަސްމިއްޔާތަށްފަހު މިއަދުގެ ވަގުތެއްގައި އެމަނިކުފާނުގެ ކެބިނެޓް އިޢުލާންކުރެއްވުންވެސް އޮންނާނެއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ޝަރީފީ ޕްރީސްކޫލްގައި މާމަ ކާފަ ދުވަސް ފާހަގަކޮށްފި

ޝަރީފީ ޕްރީސްކޫލްގައި މާމަ ކާފަ ދުވަސް ފާހަގަކޮށްފިއެވެ. ޝަރީފީ ޕްރީ ސްކޫލުން މައުލޫމާތު ދެއްވި ގޮތުގައި ” މަގޭ ...

ބޮޑު ޚިޔާނާތުގެ މައްސަލައިގައި ތުހުމަތެއް ނެތް ފަރާތްތަކަށް އެކަން އަންގަނީ

ބޮޑު ޚިޔާނާތުގެ މައްސަލައިގައި ތުހުމަތު ކުރެވޭ މިންވަރަށް ހެކި ލިބިފައިނުވާ ފަރާތްތަކަށް, މައްސަލަ ތަހުގިގު ކުރާ ޕްރެޒިޑެންޝަލް ކޮމިޝަން ...