ސިޔާކަޕް ފުޓްބޯޅަ މުބާރާތް އިއްޔެ ހަވީރު މީދޫގައި ފަށައިފިއެވެ.
ފަސްޓީމު ބައިވެރިވެފައިވާ މިމުބާރާތުގެ މެޗްތައް ކުޅުމަށް ހަމަޖެހިފައިވަނީ ކޮންމެ ޓީމެއް ކޮންމެޓީމަކާ އެއްފަހަރު ބައްދަލުކުރުމަށްފަހު ޕޮއިންޓްގެ ގޮތުން އެންމެ މޮޅުވާ ދެޓީމް ފައިނަލަށް ހޮވޭގޮތަށެވެ.
މިމުބާރާތް ފެށުމުގެ ގޮތުން އިއްޔެ ހަވީރު މީދޫ ފުޓްބޯޅަ ދަނޑުގައި ކުޅެވުނު މެޗްގައި ބައްދަލުކުރީ ގައުމު އެފްސީއާއި ކެނެރީފް ( ހެރަތެރެރިސޯޓް) ބައްދަލުކޮށް ކުޅުނުމެޗެވެ.
މިމެޗް 1 ލަނޑު 0 ލަނޑުން ކާމިޔާބުކުރީ ގައުމު އެފްސީއެވެ. މިމެޗްގައި ގައުމު އެފްސީން ކާމިޔާބުކުރި ހަމައެކަނި ލަނޑު ކާމިޔާބުކޮށްދިނީ އެޓީމުގެ ހިންޓޭއެވެ.
މިމެޗްގެ މޮޅު ކުޅުންތެރިއަކަށް ހޮވުނު ހިންޓޭއަށް ސިޔާކަޕްގެ ފަރާތުން ހުށަހާފައިވާ ޓްރޮފީ ހިންޓޭއާއި ހަވާލްކޮށްދެއްވީ މިމެޗްގެ ޝަރަފްވެރިމެހްމާނު މީދޫގެ ކުރީގެ މަޝްހޫރު ފުޓްބޯޅަ ކުޅުންތެރިޔާ މުހައްމަދު ކާމިލު ( ގާރީ ) އެވެ.
ކޮމެންޓްސް (0)