ގަންބުރި ޗެލެންޖް 2018 ގެ ނަމުގައި މިހާރު މީދޫގައި ކުރިއަށް ގެންދާ ފުޓްބޯޅަ މުބާރާތުގައި އިއްޔެ ހަވީރު ކުޅެވުނުމެޗް ޓޫ ބްރަދާސްއިން ކާމިޔާބުކޮށްފިއެވެ.
އިއްޔެ ހަވީރު މީދޫ ފުޓްބޯޅަ ދަނޑުގައި ކުޅެވުނު މިމެޗް ޓޫ ބްރަދާސްޓީމުން ކާމިޔާބުކޮށްފައިވަނީ ހުޅުމީދޫ ޕޮލިސްޓީމާ ވާދަކޮށް 1 ލަނޑު 0 ލަނޑުން މޮޅުވެގެންނެވެ.
މިމެޗްގައި ޓޫ ބްރަދާސްއިން ކާމިޔާބުކުރި ހަމައެކަނި ލަނޑު މެޗްގެ ފަހުހާފްގައި ކާމިޔާބުކޮށްދިނީ ފަރުހާދެވެ.
އަދި މިމެޗްގެ މޮޅު ކުޅުންތެރިއަކަށް ހޮވިފައިވަނީވެސް ފަރުހާދެވެ.
މިމެޗުން ޓޫ ބްރަދާސް މޮޅުވުމުން އެޓީމަށް 2 މެޗު ކުޅެގެން 4 ޕޮއިންޓް ލިބިފައިވާއިރު އިއްޔެ މެޗުން ދެރަވި ޕޮލިސްޓީމަށް ދެމެޗުން ލިބިފައިވަނީ 3 ޕޮއިންޓެވެ.
މިމުބާރާތުގައި ކުޅެފައިވާ އެހެން މެޗްތަކަށް ބަލާއިރު މިމުބާރާތުގައި ބައިވެރިވި މީދޫގެ ކުރީގެ މަޝްހޫރު ކުޅުންތެރީންހިމެނޭ އެފްސީ ޝައުގާއި ޒުވާން ކުޅުންތެރީން ހިމެނޭ ގައުމު ޖޫނިއާސް ބައްދަލުކުރިމެޗް 4 ލަނޑު 0 ލަނޑުން ކާމިޔާބުކޮށްފައިވަނީ ގައުމު ޖޫނިއާސްއެވެ.
މިމުބާރާތުގައި މިއަދު ކުޅެވޭމެޗްގައި ބައްދަލުކުރާނީ ގައުމު އެފްސީއާއި އެފްސީ ޝައުގެވެ.
ކޮމެންޓްސް (0)