ނޮވެމްބަރު 1 ގައި ރާއްޖެދާން – ރައީސް ނަޝީދު

އަންނަ ނޮވެމްބަރު މަހުގެ އެއް ވަނަ ދުވަހު ރާއްޖެވަޑައިގަންނަވަން ގަސްތުކުރައްވާކަމަށް ކުރީގެ ރައީސް މުޙައްމަދު ނަޝީދު ވިދާޅުވެއްޖެއެވެ. ރައީސް ނަޝީދު މިކަން ހާމަކުރައްވާފައިވަނީ އެމަނިކުފާނު މިއަދު ކުރެއްވި ޓުވީޓެއްގައެވެ.

ނަޝީދު އެނބުރި ރާއްޖެވަޑައިގަންނަވަން ގަސްތުކުރައްވާކަން ޓުވިޓަރ މެދުވެރިކޮށް ހާމަކުރައްވާފައިވާއިރު، އިދިކޮޅު މަޖިލިސް މެމްބަރުން ހިމެނޭ ޖޮއިންޓް ޕީޖީ ގްރޫޕާއިވެސް އެމަނިކުފާނު ވަނީ މިކަން ހިއްސާކުރައްވާފައެވެ. އެގޮތުން އެގްރޫޕަށް ފޮނުއްވި މެސެޖެއްގައި އެމަނިކުފާނުގެ މައްސަލައާމެދު ކޯޓުން ވަކިގޮތެއް ކަނޑަނޭޅިނަމަވެސް “ވީހާލެއްގައި ވާން” ރާއްޖެވަޑައިގަންނަވަން ގަސްތުކުރައްވާކަމަށް ވިދާޅުވެފައިވާކަމަށް ރާއްޖޭގެ ބައެއް މީޑިއާތަކުގައި ރިޕޯޓުކޮށްފައިވެއެވެ.

ކްރިމިނަލް ކޯޓުގެ ގާޒީ އަބްދުﷲ މުހައްމަދު ހައްޔަރު ކުރަން އަމުރުކުރި މައްސަލައިގައި ޓެރަރިޒަމްގެ ކުށް ރައީސް ނަޝީދުގެ މައްޗަށް ސާބިތުވުމާއި ގުޅިގެން އެމަނިކުފާނުގެ މައްޗަށް 13 އަހަރުގެ ޖަލު ހުކުމެއް އިއްވާފައިވަނީ 2015 ގައެވެ. އެހެންނަމަވެސް ޖަލުގައި ދުވަސްކޮޅަކު ހުންނެވުމަށްފަހު، ބޭސްފަރުވާއަށް ރާއްޖޭން ބޭރަށް ވަޑައިގަތުމަށް ހުއްދަ ދިނުމުން އިނގިރޭސިވިލާތަށް ވަޑައިގަތުމަށްފަހު، ނަޝީދު ދިރިއުޅުއްވަމުން ގެންދަވަނީ އިނގިރޭސިވިލާތުން ހިމާޔަތް ހޯއްދަވައިގެން އެ ޤައުމުގައެވެ.

2016 ވަނަ އަހަރު އިނގިރޭސިވިލާތަށް ވަޑައިގަންފަހުން، އެމަނިކުފާނު ރާއްޖެއަށް ވަޑައިގަންފައެއްނުވެއެވެ. އެހެންނަމަވެސް އިދިކޮޅު ފަރާތްތަކުން އަވަށްޓެރި ސްރިލަންކާގައި ކުރިއަށްގެންދާ ތަފާތު ސިޔާސީ ހަރަކާތްތަކުގައި ބައިވެރިވަޑައިގަތުމަށް އެމަނިކުފާނު ދޭތެރެ ދޭތެރެއިން އެޤައުމަށް ވަޑައިގަންނަވައެވެ.

ކުރީގެ ރައީސް މުޙައްމަދު ނަޝީދު ރާއްޖެއަށް ވަޑައިގަންނަވާކަން ހާމަކުރައްވާފައިވާއިރު، ރާއްޖޭން ބޭރުގައި ތިބި އިދިކޮޅު ކޯލިޝަންގައި ހިމެނޭ ބައެއް އިސްބޭފުޅުންވެސް ރާއްޖެވަޑައިގަތުމަށް ނިންމާފައިވާކަން ހާމަކޮށްފައިވެއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

މާމެންދޫއިން އިތުރު ދެމީހަކު ކޮވިޑް 19 އަށް ޕޮޒިޓިވް ވެއްޖެ

ކޮވިޑް 19 އަށް  ގއ. މާމެންދޫއިން އިތުރު ދެމީހަކު ޕޮޒިޓިވް ވެއްޖެވެ. މާމެންދޫން ކޮވިޑް 19 އަށް ޕޮޒިޓިވްވި ...

އައްޑޫގައި ރޭ ކުރިއަށްގެންދިޔައީ ހެލިކޮޕްޓަރުގެ ޓެސްޓު ދަތުރުތަކެއް

އައްޑޫ ސިޓީ ގަމުގައި އެމް.އެން.ޑީ.އެފްގެ ސަދަން އޭރިއާ ކޮމާންޑްގެ ބެލުމުގެ ދަށުގައި އޮންނަ ހެލިކޮޕްޓަރުން، ރޭ ކުރިއަށްގެންދިޔައީ ޓެސްޓު ...

ރައީސްގެ އެމެރިކާ ދަތުރުފުޅުގެ ހަރަދުތައް ހާމަކުރަން އެންގި މައްސަލަ ސުޕްރީމް ކޯޓުން ބަލަން ނިންމައިފި

އދ.ގެ އާންމު މަޖިލީހުގެ 76 ވަނަ ސެޝަންގައި ތަގުރީރު ކުރެއްވުމަށް ރައީސް އިބްރާހިމް މުހައްމަދު ސޯލިހު އެމެރިކާގެ ނިއުޔޯކަށް ...