ރިޔާސީ އިންތިޚާބުގެ ރަސްމީ ނަތީޖާ އިޢުލާންކޮށްފި

ދިވެހިރާއްޖޭގެ 2 ވަނަ ޖުމްހޫރިއްޔާގެ 6 ވަނަ ރައީސަކަށް އެމްޑީޕީގެ ރިޔާސީ ކެނޑިޑޭޑް އިބްރާހީމް މުޙައްމަދު ޞާލިޙް އިންތިޚާބުވެވަޑައިގެންނެވިކަން އިލެކްޝަންސް ކޮމިޝަނުން ރަސްމީކޮށް އިޢުލާނުކޮށްފިއެވެ.

ރިޔާސީ އިންތިޚާބުގެ ރަސްމީ ނަތީޖާ އިލެކްޝަންސް ކޮމިޝަނުން ދާދި ދެންމެއަކު ވަނީ އިޢުލާންކޮށްފައެވެ. އިލެކްޝަންސް ކޮމިޝަނުން އިޢުލާންކުރި ރިޔާސީ އިންތިޚާބުގެ ރަސްމީ ނަތީޖާ ދައްކާގޮތުން މިމަހުގެ 23 ވަނަ ދުވަހު ބޭއްވި ރިޔާސީ އިންތިޚާބު ބޮޑު ތަފާތަކުން ކާމިޔާބުކޮށްފައިވަނީ އެމްޑީޕީގެ ރިޔާސީ ކެނޑިޑޭޓް ހިންނަވަރު ދާއިރާގެ މެމްބަރު އިބްރާހީމް މުޙައްމަދު ޞާލިޙެވެ. ރަސްމީ ނަތީޖާ ދައްކާގޮތުން ޕީޕީއެމްގެ ރިޔާސީ ކެނޑިޑޭޓް ރައީސް ޢަބްދުﷲ ޔާމީން ޢަބްދުލްޤައްޔޫމަށް ލިބިވަޑައިގެންފައިވަނީ 96،052 ވޯޓެވެ. އަދި އެމްޑީޕީގެ ކެނޑިޑޭޓް އިބްރާހީމް މުޙައްމަދު ޞާލިޙަށް ލިބިވަޑައިގެންފައިވަނީ 134،705 ވޯޓެވެ. މިއީ އިލެކްޝަންސް ކޮމިޝަނުން އެންޑޯޒްކޮށްފައިވާ ވަގުތީ ނަތިޖާއާ މާބޮޑު ފަރަގެއް ނެތް ނަތީޖާއެކެވެ.

އިންތިޚާބުތަކާބެހޭ ޢާންމު ޤާނޫނުގެ 61 ވަނަ މާއްދާގެ ދަށުން ރާއްޖޭގައި ބާއްވާ އިންތިޚާބުތަކުގެ ރަސްމީ ނަތީޖާ އިންތިޚާބު ބާއްވާތާ ގިނަވެގެން 7 ދުވަހުގެތެރޭގައި ޢާންމުކޮށް އިޢުލާންކޮށް ގެޒެޓްގައި ޝާއިޢުކުރަންޖެހެއެވެ. މި މުއްދަތު ހަމަވާނީ މާދަމާއެވެ.

ރިޔާސީ އިންތިޚާބުގެ ރަސްމީ ނަތީޖާ އިޢުލާންކުރުމާއެކު ވެރިކަން ބަދަލުކުރުމުގެ މަރުޙަލާތައް ރަސްމީކޮށް ފެށިގެންދާނެއެވެ. އެގޮތުން ވެރިކަން ބަދަލުކުރުމުގެ މަރުޙަލާއާބެހޭ ޤާނޫނުގެ ދަށުން ޑިރެކްޓަރ ޖެނެރަލް އޮފް ޓްރާސްސިޝަން އައްޔަންކޮށް، ދައުލަތުގެ ބާރުތައް އާ ސަރުކާރާ ޙަވާލުކުރުމުގެ އިޖްރާޢަތްތައް ފެށިގެންދާނެއެވެ. މި ޤާނޫނުގެ ދަށުން އިންތިޚާބުގެ ރަސްމީ ނަތީޖާ އިޢުލާންކުރުމާއެކު، އިންތިޚާބީ ރައީސަށް ރައީސުލްޖުމްހޫރިއްޔާއާ އެއްފެންވަރެއްގެ ސެކިއުރިޓީ ދޭންޖެހެއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ގައުމީ އެއްބައިވަންތަކަމުގެ ދުވަސް މީދޫގައިި ފާހަގަ ކޮށްފި

ގައުމީ އެއްބައިވަންތަކަމުގެ ދުވަސް ފާހަގަ ކުރުމުގެގޮތުން މީދޫ  އަވަށު އޮފީހާއި މީދޫގެ ކްލަބް ޖަމްއިއްޔާތަކާއި މީދޫގައި މަސައްކަތްކުރާ ވޮލަންޓިއަރުންގެ ...

ސަފާރީއެއްގެ ބުރަފަތީގައި ޖެހި މީހަކު މަރުވެއްޖެ

ރ. އިނގުރައިދޫ ފަޅަށް ވަންނަމުން ދިޔަ ސަފާރީއެއްގެ ބުރަފަތީގައި އޮޅިފައި އޮތް ވަލެއް ނެއްޓުމަށް މޫދަށް ފޭބި މީހަކު ސަފާރީގެ ...

ނަޝީދު ގަބޫލުފުޅު ކުރައްވާ ގޮތުގައި ތިނަދޫއަށް ސިޓީގެ ދަރަޖަ ހައްގު!

ގދ ތިނަދޫއަށް ސިޓީގެ ދަރަޖަ ދޭން ފެންނަ ކަމަށް އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ...