އެމެރިކާގައި އުފައްދާ އިލެކްޓްރޯނިކް އުފެއްދުންތައް ބޯއިކޮޓް ކުރަން ތުރުކީން ނިންމައިފިއެވެ.
ތުރުކީގެ ރައީސް އުރުދުޣާން ވިދާޅުވި އެމެރިކާއިން އުފައްދާ އިލެކްޓްރޯނިކް އުފެއްދުންތައް ބޯއިކޮޓްކޮށް އޭގެ ބަދަލުގައި އެގައުމުން ބޭނުންކުރަނީ ތުރުކީގެ ކުންފުނިތަކުން އުފައްދާ ސްމާޓްފޯނާއި ސެމްސަން ކުންފުނީގެ ތަކެތިކަމަށެވެ.
ތުރުކީއާ އެމެރިކާއާ ދެމެދު މައްސަލަ ގޯސްވެފައި ވަނީ ތުރުކީން އެމެރިކާގެ ފާދިރީއަކު ހައްޔަރު ކުރުމުންނެވެ. އެމައްސަލައިގައި އެމެރިކާއިން ވަނީ ތުރުކީއާ ދެކޮޅަށް ދަތިކުރުމުގެ ފިޔަވަޅު އަޅާފައެވެ. އަދި ތުރުކީން އެމެރިކާއަށް އެތެރެކުރާ ދަގަނޑުގެ ބާވަތްތަކުންނަގާ ޓެރިފްގެ މިންވަރުވަނީ އިތުރުކޮށް އެވެ.
ފާއިތުވި ދުވަސްތަކުގެ ތެރޭގައި ތުރުކީގެ ލީރާގެ އަގު ރެކޯޑު މިންވަރަކަށް ވެއްޓިފައިވާއިރު މިއަހަރު ތެރޭ ލީރާގެ އަގު ވަނީ 45 ޕަސެންޓަށް ވެއްޓިފައި އެވެ.
ރައީސް އުރުދުޣާން ވިދަޅުވާ ގޮތުގައި ލީރާގެ އަގު ވެއްޓެނީ ބޭރުގެ ގައުމުތަކުން ތުރުކީއާ ދެކޮޅަށް ހިންގާ ކެމްޕޭނެއްގެ ސަބަބުންނެވެ.
ކޮމެންޓްސް (0)