ސަތޯއަށް ކުޅިވަރުގެ ދާއިރާން ހިތްވަރު ދިނުމުގެ އިނާމް ލިބިލައްވައިފި

ރާއްޖޭގެ 53 ވަނަ މިނިވަން ދުވަހުގެ މުނާސަބާގައި ރައީސް އަބްދުﷲ ޔާމީން އަބްދުލް ގައްޔޫމް ދެއްވި ހިތްވަރު ދިނުމުގެ ގައުމީ އިނާމް ލިބިލެއްވި 15 ބޭފުންގެ ތެރޭގައި ސ. ހުޅުދޫ ޖަވާހިރުވިލާ އިބްރާހިމް ރަޝީދު ހިމެނިއްޖެވެ

އިބްރާހިމް ރަޝީދަށް ހިތްވަރު ދިނުމުގެ ގައުމީ އިނާމު ލިބިލައްވާފައިވަނީ  ކުޅިވަރުގެ ދާއިރާއިން، ކުޅިވަރު ހިންގުމާއި ފަންނީ ގޮތުން ކުޅިވަރަށް ޚިދުމަތްކުރުމުގެ ރޮނގުންނެވެ.

ވޮލީ ކުޅުންތެރިއެއްގެ ގޮތުގައި އިބްރާހިމް ރަޝީދު ކުޅިވަރުގެ ދާއިރާއިން މަޝްހޫރުވެފައިވާ ނަމުންނަމަ ސަތޯ އެންމެ ފުރަތަމަ ވޮލީކޯޓަށް ނިކުންނެވީ މާލޭ އިންގްލިޝް ސްކޫލްގައި އުޅުއްވި ދުވަސްވަރެވެ.

ވަރަށް ގިނަ ސްކޫލްތަކަށާ އޮފީސްތަކަށާ ޓީމްތަކަށް ކޯޗްކޮށްދެއްވާ ގިނަ ކާމިޔާބީތަކެއް އިބްރާހިމް ރަޝީދުވަނީ ހޯއްދަވާފައެވެ.

ގައުމީ ވޮލީބޯޅަ މުބާރާތުގައިވެސް ތައްޓާ އެންމެ ރަށްޓެހި އެއްކޯޗަކީ އިބްރާހިމް ރަޝީދު ( ސަތޯ ) އެވެ.

އަދި ވޮލީ ބޯޅަ އެސޯސިއޭޝަނުން ހޮވި ރާއްޖޭގެ އެންމެ މޮޅު ވޮލީކޯޗްގެ އެވޯޑް 2010 ވަނަ އަހަރާއި 2011 ވަނަ އަހަރު އިބްރާހިމް ރަޝީދަށްވަނީ ލިބިވަޑައިގެންފައެވެ،