ކެނެރީފުން ވަރުގަދަ ރިސޯޓްބޯއިސް މޮޅުވިޔަނުދީ ހިފަހައްޓައިފި

މިހާރު ހުޅުދޫގައި ކުރިއަށްދާ މިނިވަންކަޕް ފުޓްސަލް  މުބާރާތުގައި ރޭ ކުޅެވުނު މެޗު ވާދަވެރި ، ފޯރިގަދަ ކުޅުމަކަށްފަހު އެއްވަރުވެގެން ނިމިއްޖެވެ.

9 ޓީމްް ބައިވެރިވެފައިވާ މި މުބާރާތް 2 ގްރޫޕަކަށް ބަހާލެވިގެން ކުރިއަށް ގެންދެވޭއިރު ރޭގެ މެޗަކީ ގްރޫޕް – ބީގައި ހިމެނޭ ޓީމުތަކުގެ ތެރެއިން ކެނެރީފާއި މިމުބާރާތުގައި ބައިވެރި އެންމެ ވަރުގަދަ އެއްޓީމުގެ ގޮތުގެ ބަލަމުން އަންނަ ރިސޯޓް ބޯއިސް ބައްދަލުކޮށް ކުޅެވުނު މެޗެވެ.

މިމެޗުފެށުމުގެ ކުރިންވެސް ގިނަބަޔަކު އުއްމީދުކުރަމުން ދިޔައީ ރޭގެެ މެޗު ހުރިހާ ގޮތަކުންވެސް ތަފާތު މެޗަކަށް ވެގެން ދާނެކަމަށެވެ. ސަބަބަކީ ރިސޯޓްބޯއިސް ޓީމުގައި ރާއްޖޭގެ ނަން މަޝްހޫރު މޮޅު ކުޅުންތެރީން ހިމެނޭތީއެވެ. ރޭގެ މެޗުވެގެން ދިޔައީވެސް ހުޅުމީދޫގެ ފުޓްބޯޅައިގެ ތަޖުރިބާކާރުން ހީކުރިފަދައިން މިހާތަނަށް މި މުބާރާތުގައި ކުޅެވުނު އެންމެތަފާތު މެޗުގެ ގޮތުގައެވެ.

ރޭގެ މެޗުގައި ޖުމުލަ 6 ގޯލު ފެނިގެން ދިޔައިރު ރޭގެ މެޗްގެ ފުރަތަމަ ހާފް ނިމިގެން ގޮސްފައިވަނީ 3 ލަނޑު 1 ލަނޑުން ރިސޯޓް ބޯއިސް ލީޑުގައި އޮވެގެންނެވެ.

އެހެން ނަމަވެސް މިމެޗްގެ ދެވަނަ ހާފްގެ ކުޅުމުގައި ކެނެރީފުން 2 ލަނޑު ކާމިޔާބުކޮށް މެޗްގެ ނަތީޖާވަނީ 3-3 އަށް ވަނީ ބަދަލުކޮށްފައެވެ. އަދި މިމެޗް ނިމިގެންގޮސްފައިވަނީވެސް 3 ލަނޑު 3 ލަނޑުން ދެޓީމް އެއްވަރުވެގެންނެވެ.

މިމެޗްގައި ރިސޯޓްބޯއިސް ޓީމުން ކާމިޔާބުކުރި 3 ލަނޑުގެ ތެރެއިން 2 ލަނޑު ޔާއްޓޭ ކާމިޔާބުކޮށްދީފައިވާއިރު އެޓީމުގެ އަނެއް ލަނޑު ކާމިޔާބުކޮށްދިނީ އައްޔައެވެ.

މިމެޗްގައި ކެނެރީފުން ކާމިޔާބުކުރި 3 ލަނޑުގެ ތެރެއިން 2 ލަނޑު އާލިއްޕެ ކާމިޔާބުކޮށްދީފައިވާއިރު އެޓީމުގެ އަނެއް ލަނޑު ކާމިޔާބުކޮށްދީފައިވަނީ އިންޝާލްއެވެ

މިމެޗްގެ މޮޅު ކުޅުންތެރިއަކަށް ހޮވިފައިވަނީ ރިސޯޓްބޯއިސް ޓީމަށް 2 ލަނޑު ކާމިޔާބުކޮށްދިން ޔާއްޓޭއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

އައިއެސްއޭ ވޮލީ މުބާރާތް ޓޫސިސްޓަރ ކާމިޔާބުކޮށްފި

އައިއެސްއޭ ވޮލީ މުބާރާތުގެ ފައިނަލް މެޗުގައި ޓީމް ލެއްޗޭ ބަލިކޮށް ޓޫސިސްޓަރ ޗެމްޕިއަންކަން ހޯދައިފި އެވެ. މިމަހުގެ 12 ...

ކޭންގެ ޕެނަލްޓީ ނާކާމިޔާބުވެ އިންގްލެންޑް ކަޓައިފި- ޗެމްޕިއަން ފްރާންސް ސެމީއަށް

ފީފާ ވޯލްޑް ކަޕްގެ ކުއާޓާ ފައިނަލްގައި އިންގްލެންޑް އަތުން 2-1 އިން މޮޅުވެ، އެންމެ ފަހުގެ ޗެމްޕިއަން ފްރާންސް ...

ޕޮލިސްކަޕް 2019 ބޭއްވުމުގައި އެހީތެރިވި ފަރާތްތަކަށް ހަނދާނީ ލިއުން ދިނުން

މަތީގައިވާ ފޮޓޯއާއި ތިރީގައިވާ ފޮޓޯ ތަކުން ފެނިވަޑައި ގަންނަވަނީ ޕޮލިސްކަޕް 2019  ފުޓްބޯޅަ މުބާރާތް ބޭއްވުމުގައި  އެކިގޮތްގޮތުން އެހީތެރިވި ...