ގައުމުން ވަރުގަދަ ތައްލިހި މޮޅުވިޔަނުދީ ހިފަހައްޓައިފި

ހުޅުމީދޫގައި ބޭއްވޭ އެންމެ އަގުބޮޑު މުބާރާތްކަމަށްވާ މިނިވަންކަޕް ފުޓްސަލް މުބާރާތުގައި އިއްޔެ  ހަވީރު ކުޅުނު މެޗުން ގައުމުން ވަރުގަދަ ތައްލިހި އެފްސީ މޮޅުވިޔަ ނުދީ ހިފަހައްޓައިފިއެވެ.

އިއްޔެ ހަވީރު ހުޅުދޫ ފުޓްސަލް ދަނޑުގައި ގައުމާއި ތައްލިހި ބައްދަލްކުރި މެޗުވެގެން ގޮސްފައިވަނީ ފޯރިގަދަ ވާދަވެރި ކުޅުމެއް ފެނިގެން ދިޔަ މެޗެއްގެ ގޮތުގައެވެ.

މިދިޔައަހަރު މިމުބާރާތުގެ ޗެމްޕިއަކަންކަން ހޯދި ޓީމުގައި ހިމެނުނު ގިނަ ކުޅުންތެރީން ހިމެނޭ ތައްލިހި ޓީމާ ބައްދަލުކޮށް އިއްޔެގެ މެޗުގެ ފުރަތަމަ ހާފު ގައުމުން 3 ގޯލްޖަހާ ތައްލިހި ޓީމް ހާސްކަމުގެ ތެރެއަށް ވައްޓާލިއިރު ތައްލިހިންވެސްވަނީ ފުރަތަމަ ހާފް ނިމުމުމުގެ ކުރީން ލަނޑެއްޖަހާ މެޗްގެ ނަތީޖާ 3-1 ބަދަލުކޮށްފައެވެ.

އެހެންނަމަވެސް ދެވަނަ ހާފުގެ ކުޅުން ފަށައިގެން ތައްލިހިންވަނީ  ވަނީ އިތުރު 3 ގޯލް ކާމިޔާބުކޮށް މެޗްގެ ނަތީޖާ  4-3 އަށް ބަދަލުކޮށް މެޗްގެ ލީޑު ހޯދާފައެވެ.

ބޯކޮށް ވެހެމުންދިޔަ ވާރޭގައި މިމެޗްގެ ދެވަނަ ހާފްގެ ކުޅުން ކުރިއަށްގޮސް މެޗް ނިމެން ދެތިން މިނިޓަށް ވެފައިވަނިކޮށް  ގައުމުގެ އުއްމީދީ ފޯވާރޑު ސަބާހުވަނީ އެޓީމުގެ 4 ވަނަ ގޯލްކާމިޔާބުކޮށް މެޗްގެ ނަތީޖާ 4-4 ބަދަލުކޮށްދީފައެވެ.

މިމެޗްގެގެ މޮޅު ކުޅުންތެރިއަކަށް ހޮވިފައިވަނީ ތައްލިހިޓީމްގެ އަލީ ޝިފާއުއެވެ. މޮޅު ކުޅުން ތެރިއަކަށް ހޮވުނު އަލީޝިފާއުއަށް މިނިވަންކަޕް އޮގަނައިޒިން ކޮމިޓީން ހުށަހަޅާފައިވާ ޓްރޮފީ އަލީ ޝިފާއުއާއި ހަވާލްކޮށްދެއްވީ މިމެޗްގެ ޝަރަފްވެރި މެހްމާނާ ނާޖިޔާއެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ޒޯން 8 ގެ ޗެމްޕިއަންކަން ހިތަދޫޓީމް ހޯދައިފި

މިނިވަން ޗެމްޕިއަންޝިޕް ފުޓްބޯޅަ މުބާރާތުގެ ޒޯން 8 ގެ ޗެމްޕިއަންކަން ހިތަދޫ ފުޓްބޯޅަ ކުލަބުން ހޯދައިފިއެވެ. ޒޯން 8 ...

ޖޯލިއަންސް މިކްސް ވޮލީބޯޅަ މުބާރާތް: ޓަފްސިކް ކުޅުނު ދެވަނަ މެޗުވެސް ކާމިޔާބުކޮށްފި

Advertisement އައްޑޫސިޓީ ފޭދޫގައި މިހާރު ކުރިއަށްދާ ޖޯލިއަންސް މިކްސް ވޮލީ މުބާރާތުގައި ޓީމް ޓަފްސިކް ކުޅުނު ދެވަނަމެޗްވެސް ކާމިޔާބުކޮށްފިއެވެ. ...

ހިތަދޫއާއި ފޭދޫ ގަދަ ހިފުމަކަށް

މިހާރު މީދޫގައި ހިގަމުންދާ 20 އަހަރުން ދަށުގެ އައްޑޫ ޔޫތު ޗެލެންޖް ކަޕް 2020 ފުޓްބޯޅަ މުބާރާތުގައި މިއަދު ...