ރައީސް ޔާމީން، ޑރ.މަޖީދަށް އަވަސް ޝިފާއަކަށް އެދިވަޑައިގެންފި

ސްޓްރޯކެއް ޖެހުމުގެ ސަބަބުން ސްރީލަންކާގައި ފަރުވާ ހޯއްދަވަމުން ގެންދަވާ ކުރީގެ އިސްލާމިކް މިނިސްޓަރ ޑރ.އަބްދުލް މަޖީދު އަބްދުލް ބާރީއަށް ރައީސުލްޖުމްހޫރިއްޔާ އަބްދުﷲ ޔާމީން އަވަސް ޝިފާއަކަށް އެދިވަޑައިގެންފިއެވެ.

ރައީސް އޮފީހުގެ ތަރުޖަމާން އިބްރާހިމް މުއާޒް ކުރެއްވި ޓްވީޓެއްގައި ވިދާޅުވީ ޑރ.އަބްދުލް މަޖީދު އަބްދުލްބާރީގެ ހާލުކޮޅު ދެރަވެ އައިސީޔޫގައި އެޑްމިޓް ކުރެވުނު ޚަބަރު ރައީސް ޔާމީން އެއްސެވީ ފުންހިތާމައާއި އެކުގައި ކަަމަށެވެ.

“އެމަނިކުފާނަށް އަވަސް ޝިފާއަކަށް އެދޭ ހާލު މިހިތާމަވެރި ވަގުތުގައި އާއިލާއަށް ކެތްތެރިކަން ދެއްވުން އެދި ﷲ އަށް ދުޢާ ދަންނަވަން” ރައީސް ވިދާޅުވިއެވެ.

ރައީސް މައުމޫންގެ ވެރިކަމުގައި އިސްލާމީ ކަންތައްތަކާއި ބެހޭ މަތީ މަޖިލީހުގެ އިސް މަގާމުތަކެއް ފުރުއްވެވި ޑރ.މަޖީދު ވަނީ ރައީސް ނަޝީދުގެ ވެރިކަމުގައި އިސްލާމިކް މިނިސްޓަރުކަން ކުރައްވާފައެވެ.

މީގެ ދެދުވަސް ކުރިން ސްޓްރޯކެއް ޖެހުމުގެ ސަބަބުން ޑރ.މަޖީދަށް ފަރުވާ ދެމުން ގެންދަނީ ސްރީލަންކާގެ ލަންކާ ހޮސްޕިޓަލްގައެވެ. މިއަދު މައުލޫމާތު ލިބުނު ގޮތުގައި ޑރ.މަޖީދުގެ ހާލުކޮޅު އަދިވެސް ވަރަށް ސީރިއަސްއެވެ. އޭނާ އަށް މިހާރު ފަރުވާ ދެމުންދަނީ ވެންޓިލޭޓަރުގައި ކަމަށް ވެސް މައުލޫމާތު ލިބެއެވެ.

ބާރީގެ އާއިލާއިން ވަނީ މިވަގުތު ވިހާވެސް ގިނަ ބޭފުޅުން އެމަނިކުފާނަށް ހެޔޮ ދުއާކޮށްދެއްވުމަށް އެދިވަޑައިގެންފައެވެ

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ސިޓީއާއި ޗެލްސީ ބައްދަލުކުރާ ޗެމްޕިއަންސް ލީގުގެ ފައިނަލްމެޗް މިރޭ

ޔުއޭފާ ޗެމްޕިއަންސް ލީގު ފައިނަލްމެޗް މިރޭ ކުޅެވޭނެއެވެ. އިނގިރޭސި ޕްރިމިއާ ލީގު ޗެމްޕިއަން މެންޗެސްޓާ ސިޓީއާއި ޕްރިމިއާލީގު 4 ...

އައްޑޫސިޓީގައި އަޅާފައިވާ ބައެއް ފިޔަވަޅުތަކަށް ލުއިތަކެއްދީފި

އައްޑޫ ސިޓީގައި ކޯވިޑް-19އާ ގުޅިގެން އަޅާފައިވާ ފިޔަވަޅުތަކަށް ބޮޑެތި ލުއިތަކެއް ދީފިއެވެ. އައްޑޫ ސިޓީ ކައުންސިލުން ބުނީ އައްޑޫ ...

އެޕޮއިންޓްމަންޓް ދީގެން ކޮވިޝީލްޑްގެ 2 ވަނަ ޑޯޒް ޖަހަން ފަށަނީ

ކޮވިޝީލްޑް ވެކްސިންގެ ފުރަތަމަ ޑޯޒް ޖަހާފައިވާ ފަރާތްތަކުގެ ތެރެއިން 2 ވަނަ ޑޯޒް ނުޖެހިތިބި ފަރާތްތަކަށް އެޕޮއިންޓްމަންޓް ދީގެން ...