ޕްރިންސް ހެރީއާއި މޭގަން މާކަލް ކައިވެނިކޮށްފި

އިނގިރޭސިވިލާތުގައި ޕްރިންސް ހެރީއާއި މޭގަން މާކަލް ކައިވެނިކޮށްފިއެވެ
ޢުމުރުން 33 އަހަރުގެ ޕްރިންސް ހެރީ އާއި ޢުމުރުން 36 އަހަރުގެ މޭގަން މާކަލްގެ ކައިވެނީގެ ރަސްމިއްޔާތުގައި  ދުނިޔޭގެ އެކި ހިސާބުތަކުން 600 މެހުމާނުން ބައިވެރިވެފައިވެއެވެ. އަދި ދުނިޔޭގެ އެކި ކަންކޮޅުތަކުން އެތަށް މިލިއަން ބަޔަކު ވަގުތުން މިކައިވެނީގެ   ރަސްމިއްޔާތު ބަލާފައިވެއެވެ.

އިނގިރޭސިވިލާތުގެ ޕްރިންސް ހެރީ އާއި ހޮލީވުޑްގެ ބަތަލާ މޭގަން މާކަލްގެ މި ކައިވެނީގެ ކޮންމެ ކަމެއްވެސް ވެގެން ގޮސްފައިވަނީ ދުނިޔޭގެ ފަލަ ސުރުޙީތަކުން ޖާގަ ހޯދިކަންކަމަށެވެ.

 

ދުނިޔޭގެ އެތައް މިލިއަން ބަޔަކު ވަގުތުން ބަލަމުން ދިޔަ މިރަސްމިއްޔާތުގައި ހެރީގެ 92 އަހަރުގެ މާމާފުޅު އިނގިރޭސި ރާނީ އެލިޒަބަތާއި އެކަމަނާގެ ފިރިކަލުން ޕްރިންސް ފިލިޕް ބައިވެރިވެވަޑައިގެންނެވިއެވެ.

ޝާހީ ކައިވެނީގެ މި ހަފުލާގައި ލަވަކިޔުންތެރިޔާ އެލްޓަން ޖޯން، ހޮލީވުޑުގެ ތަރި ޖޯޖް ކްލޫނީ އާއި އަމާލް ކްލޫނީ، ފުޓުބޯޅަ ކުޅުންތެރިޔާ ޑޭވިޑް ބެކަމް އާއި ވިކްޓޯރިއާ ބެކަމް، ޓެނިސް ތަރި ސެރީނާ ވިލިއަމްސް އާއި އެމެރިކާގެ މަޝްހޫރު ޓީވީ ހުށަހެޅުންތެރިޔާ އޯޕްރާ ވިންފްރީ ބައިވެރިވިއެވެ.
ހިތުގެ އޮޕަރޭޝަނެއް ކުރަން ޖެހުމުން މޭގަންގެ ބައްޕާފުޅު ތޯމަސް މާކްލް ކައިވެނީގެ ރަސްމިއްޔާތުގައި ބައިވެރިވެވަޑައިނުގަންނަވައެވެ. މޭގަން މިކައިވެނީގެ ރަސްމިއްޔާތަށް ވަޑައިގެންނެވީ މަންމާފުޅު ޑޯރިއާއާ އެކުއެވެ. ހުދުކުލައިގެ ވެޑިން ޑްރެސްގައި ޢުމުރުން 36 އަހަރުގެ މޭގަން ޗަޕަލްގެ އައިލްސަށް ވަޑައިގެންނެވީ ހެރީގެ ބައްޕާފުޅު ޕްރިންސް ޗާލްސްގެ އަރިހުގައެވެ.

ހެރީ ވަޑައިގެންނެވީ ބޭބޭފުޅު ޕްރިންސް ވިލިއަމްގެ އަރިހުގަ ކަޅު ކުލައިގެ އަސްކަރީ ޔުނިފޯމުގައެވެ.

މި ކައިވެނިން ލިބޭ ހަދިޔާތަށް އިނގިރޭސިވިލާތުގެ 6 ޗެރިޓީ ޖަމިއްޔާއަކަށް ދޭން ވަނީ ހަމަޖެހިފައެވެ.
ކައިވެންޏަށް ފަހު ހެރީ އާއި މޭގަން އަށް މުޚާތަބް ކުރާނީ ޑިއުކް އަދި ޑަޗަސް އޮފް ސަސެކްސްގެ ނަމުންނެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ޒައިނަބްގެ ޤާތިލު މީގެ ކުރިންވެސް ކުޑަ ކުދިން ރޭޕް ކުރުމަށްފަހު މަރާފައިވޭ

ޕާކިސްތާނުގައި އުމުރުން 7 އަހަރުގެ އަންހެން ކުއްޖަކު ރޭޕް ކުރުމަށްފަހު މަރާލި މީހާ އަކީ، އެފަދަ އަމަލުތައް މީގެ ...

ލަންކާ އިން 6 ދިވެއްސަކު ހައްޔަރުކޮށްފި

ސްރީލަންކާގައި އާދިއްތަ ދުވަހު ސިލްސިލާކޮށް ދިން ބޮމުގެ ހަމަލާތަކާއި ގުޅިގެން ލަންކާގައި ދިރިއުޅޭ 5 ދިވެއްސަކު ލަންކާ ފުލުހުންގެ ...

ބޭރުގައި މާސްކު އަޅަން ނުޖެހޭ ގޮތަށް ސުޕެއިނުގައި ކަނޑައަޅައިފި

ބޭރުގައި މާސްކު އަޅަން ނުޖެހޭ ގޮތަށް ސުޕެއިނުގައި ކަނޑައަޅައިފިއެވެ. ބޭރުގައި އުޅޭ އުޅުމުގައި މާސްކު އެޅުމަށް ސުޕެއިނުގައި މަޖުބޫރުކުރީ ...