ރޯދަމަހަށް ޙާއްސަ އަގުތަކެއްގައި އެސްޓީއޯއިން ފިޔާ، އަލުވި، ބިސް ވިއްކަން ފަށައިފި

ރޯދަމަހަށް ޙާއްސަކޮށްގެން އެސްޓީއޯއިން މިފަހަރުވެސް ފިޔާ، އަލުވި އަދި ބިސް ވިއްކަން ފަށައިފިއެވެ.

މި ހިދުމަތް ރޯދައަށް އަމާޒުކޮށް ފެށި އިރު ފިޔާ، އަލުވި ބިސް ވިއްކަން މާލޭގެ އިންޑަސްޓްރިއަލް ވިލެޖްގައި އިންތިޒާމުތައް ވަނީ ހަމަޖައްސާފައެވެ.

އެސްޓީއޯއިން ބުނީ މާދަމާއިން ފެށިގެން އިންޑަސްޓްރިއަލް ވިލެޖްއިން ހަވީރު 4:00 އިން ރޭގަނޑު 10:00 އަށް ފިޔާ، އަލުވި، ބިސް ހޯލްސޭލްކޮށް ގަނެވޭނެ ކަމަށާއި އަދި މީގެ އިތުރުން އެސްޓީއޯ ޓްރޭޑް ސެންޓަރުގައި ހުންނަ އެސްޓީއޯ ސްޕަމާޓުން ރީޓެއިލްކޮށް އަދި ސްޕަމާޓް ހޯލްސޭލް ސެންޓަރުން ހޯލްސޭލްކޮށް ލިބޭނެ އެވެ.

އެސްޓީއޯ ސްޕަމާޓްއިން ފިޔާ، އަލުވި، ބިސް ވިއްކަން ފެށިއިރު ރާއްޖޭގެ އެކިކަންކޮޅުތަކަށް ވެސް އެ ތަކެތި ފޮނުވާ ވިއްކަންވަނީ ފަށާފައެވެ. އޭގެ ތެރޭގައި އައްޑު އަތޮޅާއި ގދ. ތިނަދޫ އާއި ފުވައްމުލަކުގައި މިހާރު ވަނީ ރޯދައަށް ފިޔާ، އަލުވި، ބިސް ވިއްކަން ފަށާފައެވެ. އަދި ހދ. ކުޅުދުފުއްޓާއި ހއ. ހޯރަފުއްޓާއި ހުޅުމާލެ އާއި ވިލިމާލެ އާއި ބ. އޭދަފުއްޓާއި ލ. ފޮނަދޫ އާއި ގއ. ވިލިނގިލީގައި ވެސް މިހާރު ވަނީ ވިއްކަން ފަށާފައެވެ.

އެސްޓީއޯ ގެ ފިހާރަތަކުން ރީޓެއިލްކޮށް ފިޔާ ކިލޯއެއް އަށް ރުފިޔާއަށެވެ. އަލުވި ކިލޯއެއް 9 ރުފިޔާއަށެވެ. ބިހެއް 1/50ރ. އަށެވެ. ހޯލްސޭލް ސެންޓަރުން ފިޔާ ބަސްތާއެއް 170 ރުފިޔާއަށް، އަލުވި ބަސްތާއެއް 200 ރުފިޔާއަށް، ބިސް ކޭހެއް 270 ރުފިޔާ ލިބެ އެވެ. އަދި އެސްޓީއޯ ސްޕަމާޓް ހޯލްސޭލް ސެންޓަރުން ގަނޑުކޮށް 50 ކޭހައްވުރެން މަތިން ނަގާނަމަ ފިޔާ ބަސްތާއެއް 160 ރުފިޔާއަށް، އަލުވި ބަސްތާއެއް 190 ރުފިޔާއަށް، ބިސް ކޭހެއް 260 ރުފިޔާ ލިބެ އެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

“މަމެން” ޕްރިޕެއިޑް މޯބައިލް އެޕާއެކު ދެގުނަ ލިބޭ ޕްރޮމޯޝަނެއް ދިރާގުން ފަށައިފި

ދިރާގުގެ “މަމެން” އެޕްލިކޭޝަނަށް ޚާއްސަކޮށްގެން ދެގުނައަށް ޑޭޓާ، ވޮއިސް އަދި އެސްއެމްއެސް ލިބޭ ޕްރޮމޯޝަނެއް އެކުންފުނިން ފަށައިފިއެވެ. ހުކުރު ...

އިހަވަންދިއްޕޮޅުގައި ބަންކަރިން ފެސިލިޓީ ހަދަން ޤަތަރުގެ ކުންފުންޏަކާ ހަވާލުކޮށްފި

ރާއްޖޭގެ އެންމެ އުތުރު އިހަވަންދިއްޕޮޅުގައި ތެލުގެ ސްޓޯރޭޖެއް ހަދައި ތެޔޮ ބަންކަރިން ޚިދުމަތް ދިނުމަށް، ސްޓޭޓް ޓްރޭޑިން އޯގަނައިޒޭޝަން ...

އަލަށް ވަޒީފާއަށް ގެންނަ ބިދޭސީން ގޭން އިންޓަރނޭޝަނަލް އެއަރޕޯޓުން އެތެރެވެވޭނެ އިންތިޒާމް ހަމަޖައްސައިފި

ވަޒީފާއަށް އަލަށް ރާއްޖެ ގެންނަ ބިދޭސީން ގޭން އިންޓަރނޭޝަނަލް އެއަރޕޯޓުން އެތެރެވެވޭނެ އިންތިޒާމް ހަމަޖައްސައިފިއެވެ. ރާއްޖެއަށް އަލަށް ވަޒީފާއަށް ...