އައްޑޫ އިންޓަރ ސްކޫލް ފުޓްބޯޅަ މުބާރާތް: މިއަދު ކުޅެވުނު މެޗްތައް ކާމިޔާބުކުރީ ފޭދޫ ސްކޫލްގެ ޓިމާއި ހިތަދޫ ސްކޫލްގެ ޓީމް

އައްޑޫސިޓީގެ ސްކޫލްތަކުގެ މެދުގައި ބޭއްވޭ މައިލޯ އިންޓަރ ސްކޫލް ފުޓްބޯޅަ މުބާރާތުގައި ފޭދޫ ސްކޫލްގެ 14 އަހަރުން ދަށުގެ ޓީމު ކުޅުނު ފުތަރަމަމެޗު އެޓީމު ކާމިޔާބުކޮށްފިއެވެ.

މިއަދު މެންދު ހިތަދޫ ސްޓޭޑިއަމްގައި ކުޅެވުނު މިމެޗް ފޭދޫ ސްކޫލްގެ ޓީމް ކާމިޔާބުކޮށްފައިވަނީ ހުޅުދޫ ސްކޫލްގެ ޓީމާ ވާދަކޮށް  2 ލަނޑު 0 ލަނޑުންނެވެ.

މި މެޗްގައި ފޭދޫ ސްކޫލްޓީމުން ކާމިޔާބުކުރި ފުރަތަމަ ލަނޑު 43 ވަނަ މިނިޓްގައި ކާމިޔާބުކޮށްދިނީ މުހައްމަދު އާއިޝް ސަރީރެވެ.  އަދި ފޭދޫސްކޫލް ޓީމްގެ ދެވަނަ ލަނޑު 59 ވަނަ މިނިޓްގައި ކާމިޔާބުކޮށްދިނީވެސް މުހައްމަދު އާއިޝް ސަރީރެވެ.

މިމުބާރާތުގައި މިއަދު ހަވީރު ކުޅެވުނު 14 އަހަރުން ދަށުގެ  އުމުރުފުރައިގެ ދެވަނަ މެޗް ކާމިޔާބުކޮށްފައިވަނީ ހިތަދޫ ސްކޫލްގެ ޓީމެވެ.

ހިތަދޫ ސްކޫލްގެ ޓީމް މިމެޗް ކާމިޔާބުކޮށްފައިވަނީ މަރަދޫ ސްކޫލްގެ ޓީމާ ވާދަކޮށް 2 ލަނޑު 1 ލަނޑުންނެވެ.

މިމެޗްގައި ހިތަދޫ ސްކޫލްގެ ޓީމުން ކާމިޔާބުކުރި ފުރަތަމަ ލަނޑު މެޗްގެ 7 ވަނަ މިނިޓްގައި ކާމިޔާބުކޮށްދީފައިވަނީ އަހުމަދު ރާހިމްއެވެ. މިމެޗްގައި ހިތަދޫ ސްކޫލްގެ ޓީމުން ކާމިޔާބުކުރި ދެވަނަ ލަނޑު 24 ވަނަ މިނިޓްގައި ކާމިޔާބުކޮށްދިނީ މުހައްމަދު ޝާފް ޚަލީލެވެ.

މަރަދޫ ސްކޫލްގެ ޓީމުން މިމެޗަގައި ކާމިޔާބުކުރި  ހަމަ އެކަނި ލަނޑު 48 ވަނަ މިނިޓްގައި ކާމިޔާބުކޮށްދިނީ މުހައްމަދު ސިމާދު ސަމީއުއެވެ.

މިމުބާރާތުގެ މެޗްތައް ކުޅުމަށް ހަމަޖެހިފައިވަނީ މުބާރާތުގައި ބައިވެރިވި ކޮންމެ ޓީމެއް ކޮންމެޓީމަކާ އެއްފަހަރު ބައްދަލުކުރުމަށްފަހު ޕޮއިންޓްގެ ގޮތުން އެންމެ މޮޅުވާ ދެޓީމް ފައިނަލްގައި ކުޅޭގޮތަށެވެ.

މިމުބާރާތުގެ 14 އަހަރުން ދަށުގެ ބައިގައި ވާދަކުރަނީ އިރުޝާދިއްޔާ ސްކޫލް ، ހިތަދޫ ސްކޫލް ، ޝަރަފުއްދީން ސްކޫލް ، ފޭދޫ ސްކޫލް ، ޝަމްސުއްދީން ސްކޫލް އަދި މަރަދޫސް ކޫލްގެ ޓީމެވެ.

 

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ޕެނަލްޓީގައި ނެދަލޭންޑްސް ބަލިކޮށް އާޖެންޓީނާ ސެމީއަށް

ފީފާ ވޯލްޑްކަޕުގެ ދެވަނަ ކުއާޓާ ފައިނަލުގައި ޕެނަލްޓީ ޖަހައިގެން ނެދަލޭންޑްސް ބަލިކޮށް ލިއޮނަލް މެސީގެ އާޖެންޓީނާ ސެމީ ފައިނަލަށް ...

ރައީސް ޔާމީން ދެވަނަ ދައުރަކަށް ހޮއްވަވައި ދެއްވުމަށް މަސައްކަތްކޮށްދެއްވާ _ މެމްބަރު ޝާހިދު

ރައީސް ޔާމީން ހުޅުދޫ މީދޫ އަށް ގެނެސް ދެއްވަމުން ގެންދަވާ ތަރައްގީގެ ޚިދުމަތުގެ  އަގުވަޒަންކޮށް އަންނަ މަހު 23 ...

މަންތަރަ ޖޫނިއާސް ބަލިކޮށް ސީ ގްރޫޕް އެއްވަނަ ޓީމްގެ ގޮތުގައި ސަންއޮފްލޮންސް ކްއާޓަރ ފައިނަލުން ޖާގަ ހޯދައިފި

މަންތަރަ ޖޫނިއާސް ބަލިކޮޑް ގްރޫޕް ސީގެ އެއްވަނަ ޓީމްގެ ގޮތުގައި ސަން އޮފް ލޮންސް ކްއާޓާފައިނަލުން ޖާގަ ހޯދައިފިއެވެ. ...