ދަނޑުވެރިންނަށް ދޭ ލޯނުތައް އަންނަމަހު ދޫކުރަން ފަށަނީ

ރާއްޖެއަށް އިމްޕޯޓުކުރާ މޭވާއާއި ތަރުކާރީ މަދުކުރުމަށް ސަރުކާރުން ފަށާފައިވާ މަޝްރޫޢޫގެ ދަށުން ދަނޑުވެރިންނަށް ދޫކުރާ ލޯނުތައް އަންނަ މަހު ދޫކުރަން ފަށާނެކަމަށް ފިޝަރީޒް މިނިސްޓްރީން ބުނެފިއެވެ.

އެ މިނިސްޓްރީން ބުނީ ލޯނަށް އެދި ހުށައެޅި ފަރާތްތަކުގެ ފޯމުތައް މިހާރު މިނިސްޓްރީއަށް ލިބިފައިވާކަމަށާއި، ކުރިއަށްއޮތް ތިން ހަފްތާތެރޭގައި ލޯނު ލިބޭ ފަރާތްތަކަށް ލޯނު ދޫކުރުމަށް ހަމަޖެހިފައިވާކަމަށެވެ. މި މަޝްރޫއުގެ ދަށުން ދަނޑުވެރިކަން ކުރާ ފަރާތްތަކަށް ހަ މިލިޔަން ރުފިޔާގެ ލޯނު ދޫކުރުމަށް ސަރުކާރުން ނިންމާފައިވާކަމަށް ފިޝަރީޒް މިނިސްޓްރީން ބުނެއެވެ.

ފަރުދީ ފެންވަރުގައި ދަނޑުވެރިކަމުން ނަފާ ހޯދައިދިނުމުގެ ސިޔާސަތުގެ ދަށުން، ދަނޑުވެރިކަމުން ރާއްޖެއަށް އިމްޕޯޓް ކުރާ ތަކެތި މަދުކުރުމަށްޓަކައި، ދަނޑުވެރިކަމުގެ 5 ބާވަތެއް ރާއްޖޭގައި އުފައްދައި، މި ބާވަތްތައް އިމްޕޯޓްކުރާ މިންވަރު މަދުކުރުމުގެ ޕްރޮގްރާމެއް ސަރުކާރުން ވަނީ ފަށާފައެވެ. މިދިޔަ އަހަރުގެ ޑިސެމްބަރު މަހު ފެށި މި ޕްރޮގްރާމް ކުރިއަށްގެންދަނީ ލ. އަތޮޅު ގަމުގައެވެ.

ރައީސުލްޖުމްހޫރިއްޔާ މިދިޔަ މަހު ދެއްވި މިއަހަރުގެ ރިޔާސީ ބަޔާނުގައިވެސް މި ޕްރޮގްރާމްގެ މައްޗަށް އަލިއަޅުއްވާލައްވާ ވަނީ ވާހަކަފުޅު ދައްކަވާފައެވެ. ރިޔާސީ ބަޔާނުގައި ރައީސުލްޖުމްހޫރިއްޔާ ވިދާޅުވެފައިވަނީ ރާއްޖެއަށް އެތެރެކުރާ ފަސް ބާވަތެއްގެ މޭވާއާއި ތަރުކާރީ މި ޕްރޮގްރާމްގެ ސަބަބުން ފަންސަވީސް ޕަސެންޓް ދަށްކުރެވޭނެކަމަށެވެ. މިގޮތުން، 1866 ޓަނުގެ ތަރުކާރީއާއި މޭވާ، މިމަޝްރޫޢުގެ ދަށުން އުފައްދާފައިވާ ދަނޑުތަކުން ރާއްޖޭގެ ބާޒާރަށް ނެރެވޭނެ ކަމަށް އަންދާޒާ ކުރެވޭކަމަށް ރައީސުލްޖުމްހޫރިއްްޔާ ވަނީ ވިދާޅުވެފައެވެ.

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

ރާއްޖެ ސްޓައިލުގެ ރިސޯޓުތަކެއް އިންޑޮނޭޝިއާގައި ވެސް ތަރައްގީ ކުރަނީ

އިންޑޮނޭޝިއާގެ ވެރިރަށް ޖަކާޓާގެ އައްސޭރި ކައިރިން، ޖާވާ ކަނޑުގައި ހުންނަ ކުދި ޖަޒީރާ ރަށްތަކެއްގައި ރާއްޖޭގައި ހުންނަ ރިސޯޓުތައް ...

ބޮޑު ބަދަލަކާއިއެކު-އިސްލާމިކް ބޭންކްގެ ރޯދަ ޕްރޮމޯޝަން ފެސިލިޓީ

މޯލްޑިވްސް އިސްލާމިކް ބޭންކް(އެމް.އައި.ބީ) ގެ ފަރާތުން ރޯދަމަހަށް ޙާއްޞަކޮށް “ރޯދަ ޕްރޮމޯޝަން” ބޮޑެތި ބަދަލުތަކާއިއެކު ފަށައިފިއެވެ.މި ޕްރޮމޯޝަންގެ ދަށުން ...

ވައިބަރ ކޮންމެ ސްޓިކާ ޕެކެއްވެސް ޑައުންލޯޑް ކޮށްލެވޭ ޚާއްސަ ޕެކެޖެއް އުރީދޫއިން ތައާރަފްކޮށްފި

އެންމެ 19 ރުފިޔާއަށް ވައިބަރގެ ކޮންމެ ސްޓިކަރ ޕެކެއްވެސް ޑައުންލޯޑް ކުރެވޭ ހާއްސަ ޕެކޭޖެއް މިއަދު އުރީދޫއިން ތައާރަފުކޮށްފި ...