ރާއްޖެއަށް އިންޑިއާ ސިފައިން ފޮނުވަން ނަޝީދު ގޮވާލައްވައިފި

ދިވެހިރާއްޖެއަށް އިންޑިއާ ސިފައިން ފޮނުވަން ކުރީގެ ރައީސް މުހައްމަދު ނަޝީދު އިންޑިއާ ސަރުކާރަށް ގޮވާލައްވައިފިއެވެ.

އިންޑިއާ ސިފައިން ރާއްޖެ ފޮނުވަން ރައީސް ނަޝީދު ގޮވާލެއްވީ ދެންމެ ކުރެއްވި ޓްވީޓެއްގައެވެ.

ރައީސް ނަޝީދުގެ ޓްވީޓްގައި ވިދާޅުވީ ފަނޑިޔާރުންނާއި ކުރީގެ ރައީސް މައުމޫން ސަލާމަތް ކުރެއްވުމަށް އިންޑިއާގެ ހާއްސަ މަންދޫބެއް ސިފައިންނާއި އެކު ރާއްޖެ ފޮނުވުމަށް ދިވެހި ރައްޔިތުންގެ ފަރާތުން އިންޑިއާ ސަރުކާރުގައި އެމަނިކުފާނު އެދިވަޑައިގަންނަވާ ކަމަށެވެ.

އެމެރިކާ އިން ދިވެހި ސަރުކާރުގެ އިސްވެރިންގެ މާލީ މުއާމަލާތްތައް ހުއްޓުވައި ދިނުމަށް ވެސް ރައީސް ނަޝީދު ވަނީ އެދިވަޑައިގެންފައެވެ.

ރައީސް ނަޝީދު މީގެ ކުރިން ވެސް އެކި ފަހަރު މަތިން ވަނީ ރާއްޖެއަށް ސިފައިން ފޮނުވަން އިންޑިއާ ސަރުކާރަށް ގޮވާލައްވާފައެވެ. އަދި ރާއްޖޭގެ މައްސަލަތައް ހައްލުކުރަން އިންޑިއާ އިން “އެކަށީގެންވާ ބާރެއް” ބޭނުން ނުކުރާތީ އެމަނިކުފާނު މީގެ ކުރިން ވެސް ހިތްހަމަނުޖެހުން ފާޅުކުރައްވާފައި ވެއެވެ.

އިންޑިއާ ސިފައިން ރާއްޖެއަށް ފޮނުވަން ރައީސް ނަޝީދު އިންޑިއާ ސަރުކާރަށް ގޮވާލައްވާފައި ވާއިރު ސުޕްރީމް ކޯޓުން ކުއްލި ގޮތަކަށް ކުރި އާދަޔާއިހިލާފު ޙުކުމަކާއި ގުޅިގެން އުފެދުނު ނުތަނަވަސް ކަމަށް ފަހު ރައީސުލްޖުމްހޫރިއްޔާ އަބްދުﷲ ޔާމީން ވަނީ ކުއްލި ނުރައްކަލުގެ ހާލަތު އިއުލާން ކުރައްވާފައެވެ.

އަދި އުއްތަމަ ފަނޑިޔާރު އަބްދުﷲ ސައީދު އާއި ސުޕްރީމް ކޯޓުގެ ފަނޑިޔާރު އަލީ ހަމީދާއި ކުރީގެ ރައީސް މައުމޫން ވަނީ ވަނީ ހައްޔަރުކޮށްފައެވެ

  • ކޮމެންޓްސް (0)

Your email address will not be published. Required fields are marked *

  • ފުރިހަމަ ނަން

Ads

ގުޅޭ ލިޔުންތައް

އައްޑޫ ބިންހިއްކަން ފެށުން، ރައީސް ސިފަކުރެއްވީ ތަރައްޤީ ބަދަލުކޮށްލާނެ ފެށުމެއްގެ ގޮތުގައި

އައްޑޫ ސިޓީގެ ބިން ބޮޑުކޮށް، އިޤްތިިޞާދީ ހަރަކާތްތައް އިތުރުކުރުމަށް ހިންގާ ބިން ހިއްކުމުގެ މަޝްރޫޢު ރަސްމީކޮށް ފަށައިފިއެވެ. އައްޑޫ ...

އެމްޑީޕީގެ ރިޔާސީ ޕްރައިމަރީގައި ވާދަކުރައްވާނެކަން ރަސްމީކޮށް ނަޝީދު އިއުލާނު ކުރައްވައިފި

ކުރިއަށްއޮތް ރިޔާސީ އިންތިހާބުގައި އެމްޑީޕީގެ ޓިކެޓް ހޯދުމަށް އެ ޕާޓީގެ އެތެރޭގައި ބާއްވާ ރިޔާސީ ޕްރައިމަރީގައި ކުރީގެ ރައީސް ...

ޕްރޮފެސަރު އުގެއިލްގެ ތާއީދު ރައީސް ޞާލިހަށާ އަސްލަމަށް

ރިޔާސީ އިންތިޚާބުގައި އެމްޑީޕީގެ ރިޔާސީ ކެންޑިޑޭޓް ރައީސް އިބްރާހިމް މުޙައްމަދު ޞާލިޙަށް ތާއީދު ކުރައްވަން ޕްރޮފެސަރު ޙަސަން އުގެއިލް ...