މީދޫ ދާއިރާގެ އެމްޑީޕީ ޓިކެޓް ސަބްރީ  ކާމިޔާބު ކުރައްވައިފި

މީދޫ ދާއިރާގެ އެމްޑީޕީގެ މަޖިލިސް ޓިކެޓް ސަބްރީ ކާމިޔާބު ކުރައްވައިފި އެވެ.

އަންނަ ރައްޔިތުންގެ މަޖިލިސް އިންތިހާބުގައި ވާދަކުރާނެ ކެންޑިޑޭޓުން ހޮވުމަށް މިއަދު ބޭއްވި އެމްޑީޕީގެ ޕްރައިމަރީގައި މީދޫ ދާއިރާގެ ޓިކެޓް ސަބްރީ ކާމިޔާބުކުރެއްވީ 208 ހޯއްދަވައިގެނެވެ.

މީދޫ ދާއިރާގެ ޓިކެޓަށް ސަބްރީއާއިއެކު އިތުރު ތިން ކެންޑިޑޭޓަކު ވާދަކުރިއެވެ.

ވީއޯއެމް” އަށް ލިބިފައިވާ ނަތީޖާއަށް ބަލާއިރު ސަބްރީއަށް މީދޫގެ ފޮށިން 157 ވޯޓް ލިބުނުއިރު މާލޭ ފޮށިން ލިބުނީ 51 ވޯޓެވެ.   

ސަބްރީއާއި އެންމެ ގާތުން ވާދަކުރި ވަސީމު އަށް ލިބިފައިވަނީ 152 ވޯޓެވެ. ވަސީމުއަށް މާލޭ ފޮށިން  29 ވޯޓު ލިބުނު އިރު  މީދޫގެ ފޮށިން ލިބުނީ 123 ވޯޓެވެ.

ދެން މިދާއިރާއަށް ވާދަކުރެއްވި ހިޝާމުއަށް ލިބިފައިވަނީ 104 ވޯޓެވެ. ހިޝާމުއަށް މާލޭގެ ފޮށިން 36 ލިބުނުއިރު މީދޫގެ ފޮށިން ލިބުނީ  68 ވޯޓެވެ.

 މިދާއިރާއަށް ދެންވާދަކުރި ހައްވުއަށް ލިބިފައިވަނީ 6 ވޯޓެވެ.