ޔޫއެންޑީޕީން ހުޅުވާލި ފުރުސަތުގެ ބޭނުން ހިފައި، މީދޫ ނަލަފެހިން ހޯދި ރުއްތަކުގެ ތެރެއިން ނަލަފެހި ޖަމްއިއްޔާގެ ދަނޑުގައި އިންދުމަށް ހަމަޖެހިފައިވާ ރުއްތައް އިންދުމުގެ ޕްރޮގުރާމް ފަށައިފި އެވެ.
” ކޮކްނެޓް ޕްލާންޓޭޝަން ލޯންޗުކުރުން” މިނަމުގައި ފެށި ރުއް އިންދުމުގެ ޕްރޮގުރާމް ފެށީ މިދިޔަ ހުކުރުދުވަހުގެ ހަވީރުއެވެ.
ނަލަފެހިން ހޯދި ރުއް އިންދުމުގެ މަސައްކަތް ފެށުމުގެ ރަސްމިއްޔާތު
ނަލަފެހި ޖަމްއިއްޔާއިން ބުނީ، މިރުއްތައް އިންދާފައިވަނީ ނަލަފެހި ޖަމްއިއްޔާއަށް މީދޫ ކަޅިބިތްފަރާތުން ލިބިފައިވާ ދަނޑެއްގައިކަމަށެވެ.
ނަލަފެހިން ހުކުރު ދުވަހު ރުއް އިންދުމުގެ ޕްރޮގުރާމް ކުރިއަށްގެންގޮސްފައިވާއިރު އެ ހަރަކާތުގައި މީދޫ ކައުންސިލަރު ސޯލިހާގެ އިތުރަށް މީދޫ އަވަށު އޮފީހުގެ ޑިރެކްޓަރ މާނާ މުމްތާޒާއި އެއޮފީހުގެ ޑިޕިއުޓީ ޑިރެކްޓަރ އަބްދުﷲ ރަޝީދު ބައިވެރިވެވަޑައިގެންފައިވެއެވެ. އަދި މީގެ އިތުރަށް ނަލަފެހި ޖަމްއިއްޔާގެ ބައެއް މެމްބަރުންވެސް ރުއް އިންދުމުގެ މިހަރަކާތުގައި ބައިވެރިވެލެއްވި އެވެ.
ޗަވައްކަޑު އޮރެންޖް ނަމަކަށް ކިޔާ މި މުޑުވަކަކީ ވަރަށް ކުޑައިރު ފޯދި އޭގެ މޭވާ ލިބޭ ރުކެކެވެ.
ކޮމެންޓްސް (0)