ރާއްޖޭގެ އެންމެ ބޮޑު ސިޔާސީ ޕާޓީ، އެމްޑީޕީގެ ރައީސް ކަމަށް ރާއްޖޭގެ ކުރީގެ ރައީސް އިބްރާހިމް މުހައްމަދު ސޯލިހު އައްޔަނުކޮށްފި އެވެ.
ރައީސް ސޯލިހު އެމްޑީޕީގެ ވަގުތީ ރައީސްކަމަށް އައްޔަނުކުރީ ރޭ އުކުޅަހުގައި އެމްޑީޕީއީން ކުރިޔަށް ގެންދަ ގައުމީ މަޖިލީހުގެ ބައްދަލުވުމުގައި އެވެ.
އެގޮތުން ބައްދަލުވުމުގައި ބައިވެރިވި 48 މެމްބަރުންގެ ތެރެއިން 47 މެމްބަރަކު ވަނީ ރައީސް ސޯލިހު އެމަގާމަށް ގެނައުމަށް ވޯޓު ދެއްވާފައެވެ.
ނަމަވެސް މި ބައްދަލުވުމުގައި ރައީސް ސޯލިހު ބައިވެރިވެވަޑައިނުގަންނަވައެވެ.
އެމްޑީޕީން ބުނި ގޮތުގައި ރައީސަކު ހޮވުމަށް ބާއްވާ އިންތިހާބު ކުރިއަށް އޮތް މަހެއްހާ ދުވަސް ތެރޭގައި ބާއްވާނެއެވެ.
ކޮމެންޓްސް (0)